மனிதனின் குணங்களில் உயர்ந்தது - பயன் மிக்கது எது?

by **கமாலுதீன்** Fri 20 Mar 2015 - 3:27

ஒரு சமயம் தலைசிறந்த ஓர் அறிஞருக்கும்(லுக்மானுல் ஹகீம்) அவரது மைந்தனுக்கும் இடையில் உரையாடல் நடந்தது.

"தந்தையே! மனிதனின் குணங்களில் உயர்ந்தது,‍‍ பயன் மிக்கது எது?" என்று மைந்தன் கேட்டான்.

"அன்பு மகனே! இறை மார்க்கத்தைப் பின்பற்றி நடக்கும் மனப்பான்மையைவிட உயர்ந்தது வேறொன்றும் இல்லை" என்று பதிலளித்தார் தந்தை.

"மார்க்கத்திற்கு அடுத்தபடியாக உயர்ந்தது எது?"

"பொருள் ஈட்டுவது!" என்றார் அறிஞர். பொருள் உலக வாழ்க்கைக்கு அவசியம். உலகிலே தான் மார்க்கம் மலர்கிறது.

"இதற்கும் அடுத்தபடியாக?"

"வெட்கம்! தவறான செயலில் ஈடுபடும் போது ஏற்படும் இயற்கையான வெட்கத்தையே நான் குறிப்பிடுகிறேன். இந்த வெட்கத்தின் காரணமாக தீய செயல்கள் தடுக்கப்படுகின்றன.

"இதற்கடுத்தபடியாக?"

"நற்குணம்! இதன் உதவியால் தான் மக்களின் மத்தியில் நெருங்கிப் பழக முடியும்"

"இதற்குப் பிறகு எது?"

"தயாளம்!"

"அடுத்தபடியாக எது?"

அறிஞர் ஏறிட்டுப் பார்த்தார்.

"மகனே! இதற்குமேல் போக வேண்டாம். மேற்குறிப்பிட்ட ஐந்து நன்மைகள் ஒருவனிடம் காணப்பட்டால் அவன் மிகவும் உயர்ந்தவன்; இறைவனுக்கு நெருங்கியவன்!"