கடும் வெயிலின் கொடுமை இந்தியாவில் 2207பேர் பலி

by **நண்பன்** Mon 1 Jun 2015 - 8:46

கடும் வெயிலின் கொடுமை இந்தியாவில் 2207பேர் பலி

இந்தியாவில் வெயிலின் உக்கிரத்துக்கு இதுவரை 2207 பேர் பலியாகி உள்ளதாக புள்ளிவிவரங்கள் தெரிவிக்கின்றன. இந்த ஆண்டு இந்தியாவில் ஆந்திரா, தெலுங்கானா உட்பட பல வட மாநிலங்களிலும் கடுமையான வெயில் கொளுத்தி வருகிறது. இதனால் வெயில் கொடுமைக்கு ஆயிரக்கணக்கானவர்கள் பலியாகி உள்ளனர்.
அக்னி நட்சத்திரம் எனப்படும் கத்திரி வெயில் கடந்த 4ஆம்திகதி தொடங்கி மே 29 ல் முடிந்தது. ஆனால் கடந்த 2ஆம் திகதியே சென்னை யில் வெயில் 100 டிகிரி கொளுத்தத் தொடங்கிவிட்டது. அக்னி நட்சத்திர காலத்தில் 5 நாட்களுக்கு 95 டிகிரியாக வெப்பம் பதிவானது. அதே நேரத்தில் கடந்த 9ஆம்திகதி மீண்டும் வெப்பம் 98 டிகிரி ஆனது 10 நாட்களுக்கு தணிந்திருந்த வெப்பம் மீண்டும் சூடு பறக்கத் தொடங்கியது. கடந்த 19ஆம் திகதி 100 டிகிரியை தாண்டியது.
20 ஆம் திகதி முதல் 23ஆம் திகதி வரை 104 டிகிரி வெப்பம் தாக்கியது. 24ஆம் திகதி உச்சகட்டமாக 108 டிகிரி வெயில் கொளுத்தியது. கத்திரி வெயிலின் கடைசி நாளான நேற்று 105 டிகிரி வெயில் தகித்தது. இதே போல, கடலூர் மதுரை, பாளையங்கோட்டை வேலூர் உள்ளிட்ட இடங்களிலும் 100 டிகிரிக்கு மேல் வெயில் பதிவானது. பாளையங்கோட்டை 101 டிகிரி, கடலூர், மதுரை, வேலூர் 100 புதுச்சேரி நாகப்பட்டினம் 99, தரும்புரி, திருச்சி 98, கோவை 92 வெப்பநிலை பதிவாகியுள்ளது.
2005 பேர் இதுவரை பலியாகியுள் ளனர். இதனிடையே வெயிலின் உக்கிரத்திற்கு ஆந்திரா மற்றும் தெலுங் கானா மாநிலங்களில் மட்டும் 1,979 பேர் உயிரிழந்துள்ளனர். ஒடிசாவில் 17 பேர் பலியாகி உள்ளதாக அறிக்கை கொடுக்கப்பட்டுள்ளது. குஜராத்தில் 7 பேரும், டெல்லியில் 2 பேரும் இறந்துள்ளனர்.
டெல்லி, ஜார்கண்ட், உத்தரபிரதேசம், பஞ்சாப், அரியானா, ராஜஸ்தான் உட் பட பல மாநிலங்களிலும் அனல் காற்று வீசுகின்றது. இதனால் பொதுமக்கள் வெளியே வர அஞ்சுகின்றனர்.
இன்னும் 4 தினங்களுக்கு அதிக வெப்பம் நீடிக்கலாம். அதன் பிறகு சென்னையில் வெப்பத்தின் அளவு படிப்படியாகக் குறையும் என்று வானிலை ஆய்வு மையம் தெரிவித்துள்ளது.

தினகரன்