தெரு!

by **gud boy** Sat Feb 26, 2011 5:58 pm

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் திருப்பெயரால்...
அன்புச்சகோதரர்களுக்கு :

அஸ்ஸலாமு அலைக்கும் (வரஹ்) (இறைவனின் சாந்தியும், சமாதானமும் தங்கள் மீது என்றென்றும் நிலவட்டுமாக!)

தெரு!

நல்லதொரு நிலவொளியில்
வெண்மை கலந்த மணலில்
அகலமான தெருவில்
காலார நடந்தது அந்தக்காலம்!

முன்னோர்கள் சொன்னார்கள்
இரட்டை மாட்டு வண்டி பூட்டி
மாட்டின் கழுத்து மணி
சத்தம் கேட்க கம்பீரமாக
தெருவில் வலம் வந்தது அந்தக்காலம்!

தொலைக்காட்சி இல்லாத காலம்
தெருவில் அமர்ந்து படிப்பதுடன்
தெருவில் வட்டமிட்டு அமர்ந்து
வீட்டுப்பெண்கள் நல்லதையும்,
புறமையும் பேசியது அந்தக்காலம்!
தெருவில் குழந்தைகள்
ஓடி பிடித்து
ஒளிந்து விளையாடியது
சண்டை போட்டது அந்தக்காலம்!

காலை எழுந்தவுடன் பெண்கள்
வாசலில் தண்ணீர் தெளித்து
பெருக்கி தூய்மைபடுத்தியது
அந்தக்காலம்!

ஆனால்
கழிவுநீரும், பாறாங்கல்லும்
வீட்டுப்படிகளும், மாடிப்படிகளும்
கழிவுநீர் தொட்டிகளும்
என்ற ஆக்கிரமிப்பால்
தவளைப்போல் தாவி தாவி
செல்வது இந்தக்காலம்!

இப்பொழுதும் காலை விடிகிறது
தெருவை சுத்தப்படுத்தி
தன் வீட்டு வாசல் குப்பையை
அடுத்த வீட்டு வாசலில்
ஒதுக்கி வைப்பது இந்தக்காலம்!

வீட்டின் கழிவுகளை
வாசலில் கொட்டி வைத்து
மனிதர்கள் தாண்டி செல்வதை
கண்டு ரசிக்கும் பெண்களை
கொண்டது இந்தக்காலம்!

12 அடி வாகனமும்
சிறிய வாகனங்களும்
செல்ல முடியாத தெருவாக
தெருவையே வெளி
வாசலாக்கிய பேராசை
படைத்த மனிதர்களை
கொண்டது இந்தக்காலம்!

மனிதா! உனது இடத்தில்
2அடி 3அடி பக்கத்து வீட்டுக்காரன்
எடுத்துக்கொண்டான் என்றால்
உன் ஆயுள் முழுதும்
நீதிமன்ற வாசலில் காத்திருக்கிறாய்!

மனிதா!
தெரு என்பது அனைத்து
மனிதர்களுக்கும் பொதுவானது!
பட்டா போட்டுக்கொள்ள இல்லை
என்பதை எந்தப்பள்ளியில்
உன்னை சேர்த்து தெளிவுபடுத்த!

கொம்பு உள்ள ஆடு
கொம்பு இல்லா ஆட்டை
முட்டினாலும் கொம்பு
இல்லா ஆட்டுக்காக
வல்ல அல்லாஹ்
நீதி வழங்கும் நாள்
மறுமை நாள்!

மனிதா எனக்கும் உனக்கும்
வழக்கு ஒன்று இருக்கிறது!
என் இடத்தை அபகரித்த
உனக்கு இறுதிநாளின்
அதிபதியின் நீதிமன்றத்தில்
நீதி அளிக்கப்படும்!

மனிதா!
என்னை தட்டிக் கேட்க
யாரும் உண்டோ என்ற
ஆணவத்தில் அலைகிறாய்!

எந்த சிபாரிசும், எந்த ஆணவமும்
எந்த ஆள் பலமும், பணபலமும்
உன்னை காப்பாற்ற முடியாத
மறுமை நாளுக்காக
பொறுத்திரு மனிதா!
தெருவை அபகரித்த
உன் செயலுக்கு சரியான
தீர்ப்பு வழங்கப்படும் நாள்
வெகுதூரத்தில் இல்லை!

ஒவ்வொருவரும், தாம் செய்த நன்மையையும், தீமையையும் கண் முன்னே பெற்றுக் கொள்ளும் நாளில் தமக்கும் தமது(தீய) செயல்களுக்குமிடையே மிகப் பெரிய இடைவெளி இருக்க வேண்டும் என ஆசைப்படுவர். (அல்குர்ஆன் : 3:30).

ஒவ்வொருவரும் மரணத்தைச் சுவைப்பவரே. கியாமத் நாளில் தான் உங்களின் கூலிகள் முழுமையாக வழங்கப்படும். (அல்குர்ஆன் : 3:185).

-- S.அலாவுதீன்

Source:
http://adirainirubar.blogspot.com/2011/01/blog-post_27.html

by **நண்பன்** Sat Feb 26, 2011 6:03 pm

நன்றி உறவே உங்கள் சிறந்த கவிதையும் ஹதீசும் கலந்த பதிவுக்கு படித்தேன் பயன் பெறுவேன் எனறு நினைக்கிறேன்

எம் அனைவருக்கும் இறைவன் போதுமானவன்
நன்றி தொடருங்கள்.

by *சம்ஸ் Sun Feb 27, 2011 12:06 am

நண்பன் wrote:நன்றி உறவே உங்கள் சிறந்த கவிதையும் ஹதீசும் கலந்த பதிவுக்கு படித்தேன் பயன் பெறுவேன் எனறு நினைக்கிறேன்

எம் அனைவருக்கும் இறைவன் போதுமானவன்
நன்றி தொடருங்கள்.

@. @.

by Sponsored content

தெரு!

தெரு!

Re: தெரு!

Re: தெரு!

Re: தெரு!