இன்று தெலுங்கானா போராட்டம்: 23 எக்ஸ்பிரஸ் ரயில்கள் ரத்து

ஐதராபாத்: ஆந்திராவில் தெலுங்கானா கோரிக்கையை வலியுறுத்தி முக்கிய எதிர்கட்சிகள் இன்று ரயில்மறியல் போராட்டம் நடத்தவிருப்பதால் ஆந்திராவிற்கு வந்து செல்லும் எக்ஸ்பிரஸ் ரயில்கள் உள்பட 23ரயில்கள் ரத்து செய்யப்பட்டுள்ளதாக தெற்கு மத்திய ரயில்வே அறிவித்துள்ளது. மேலும் அசம்பாவித சம்பவங்களை தவிர்க்கும் பொருட்டு ரயி்ல்வே பாதுகாப்புப்படையினர் மற்றும் ரயில்வே போலீசார் முன்னெச்சரிக்கை நடவடி‌க்கையினை மேற்கொண்டுவருகின்றனர். ஆந்திரா மாநிலத்தை இரண்டாக பிரித்து தெலுங்கானா மாநிலம் உருவாக்கக்கோரி தெலுங்கானா ராஷ்ட்ரீய சமிதி உள்ளிட்ட கட்சிகள் போராடிவருகின்றன. இந்நிலையில் தலைநகர் ஐதராபாத் உள்ளிட்ட 10 மாவட்டங்களை உள்ளடக்கிய தெலுங்கானா பகுதியைச் சேர்ந்த தெலுங்கானா கூட்டு நடவடிக்கைக்குழுவினர் இன்று காலை 6 மணி முதல் ரயில்மறியல் போராட்டத்திற்கு அழைப்பு விடுத்துள்ளனர். தெலுங்கானா ஆர்ப்பாட் டத்தை‌‌‌யொட்டி தெற்கு மத்திய ரயில்வே கோட்டத்திற்கு வந்து செல்லும் ஐதராபாத்- டில்லி ஆந்திரபிரதேஷ் எக்ஸ்பிரஸ், யாஷ்வந்த்பூர் - செகந்திராபாத் காரிப் ரதம், விஜயவாடா- செகந்திராபாத் எக்ஸ்பிரஸ், குண்டூர், திருப்பதி- ஐதராபாத் ராயலசீலம் எக்ஸ்பிரஸ், குண்டூர்- செகந்திராபாத் ‌‌கோல்கொண்டா எக்ஸ்பிரஸ் உள்ளிட்ட 23 எக்ஸ்பிரஸ் ரயில்கள் ரத்து செய்யப்பட்டுள்ளதாக அறிவிக்கப்பட்டுள்ளது.. தெலுங்கானா கூட்டுநடவடிக்கை குழுவின் ஒருங்கிணைப்பாளர் எம்.கண்டன்டராம் கூறுகையில், தெலுங்கானா பகுதியை இணைக்கும் எந்த ரயிலையும் இயக்கவிடமாட்டோம். இப்பகுதியைச் சேர்ந்த ஒருவ்வொரு கிராமத்தினரும் இந்த ரயில்மறியல் போராட்டத்தில் கலந்து கொள்வார்கள் என்றார். தெலுங்கு தேசம் கட்சியும் இந்த ரயில்மறியல் போராட்டத்திற்கு ஆதரவு தெரிவித்துள்ளது. இந்நிலையில்ஆந்திர மாநில டி.ஜி.பி. அரவிந்தராவ் தெரிவிக்கையில், ரயில்சொத்துக்களுக்கு சேதம் விளைவிப்பவர்கள் மீது கடுமையான நடவடிக்கை எடுக்கப்படும் எனவும் இது தொடர்பாக கைது செய்யப்பட்டால் அவர் மீது இந்திய ரயில்வே சட்டம் 1989-ன் கீழ் வழக்குப்பதிவு செய்யப்படும் என்றும், குற்றவியல் நடவடிக்கை எடுக்கப்படும் என்றும் தெரிவித்தார்.

:”@: