ஜப்பானில் மீண்டுமொரு நிலநடுக்கம் ஏற்படும்: அதிர்ச்சித் தகவல்

by *சம்ஸ் Tue 15 Mar 2011 - 13:48

கடந்த 11 ம் திகதி ஏற்பட்ட நிலநடுக்கதின் பக்கவிளைவுகள் ஜப்பானை உலுக்கிக் கொண்டிருக்கும் நிலையில், எதிர்வரும் நாட்களில் மற்றுமொரு பாரிய நிலநடுக்கத்தை அந்நாடு எதிர்கொள்ள நேரிடும் என்று எச்சரிக்கை விடப்பட்டுள்ளது.
ஜப்பானில் தற்போது ஏற்பட்டுள்ள நிலைமையானது இரண்டாவது உலக மகாயுத்தத்தின் பின் அந்நாடு எதிர்கொண்ட பாரிய நெருக்கடி நிலையாகும் என்று பிரதமர் நாஓடோ கன் தெரிவித்துள்ளார்.

ஜப்பானின் மியான்மிசென்றிக் நகருக்குச் சென்றிருந்த செனல் - 04 தொலைக்காட்சி நிரூபரான அலெக்ஸ் ஹோம்சன் கருத்துத் தெரிவிக்கையில்,"ஜப்பானிய அனுபவம் பூவுலகில் நரகத்தை நேரடியாகக் கண்ட அனுபவத்தைத் தந்ததாக கருத்துத் தெரிவித்துள்ளார்" என்றார்.

ஜப்பானிய பூகம்ப அழிவுகளுக்குப் பின் அந்நாட்டுக்கு விஜயம் செய்த ஒரேயொரு மேற்குலக நிரூபரான அவர் சுமார் 20 க்கும் மேற்பட்ட யுத்தமுனைகளில் செய்தி சேகரிப்பாளராக பணியாற்றியவர்.

ஆயினும் அவரது அனுபவத்தின்படி அவை அனைத்தையும் விட ஜப்பானிய பூகம்ப இழப்புக்களுக்குள்ளான நகரங்களின் மயான அமைதியானது பலத்த அதிர்ச்சி தருவனவாக அமைந்திருந்தாக குறிப்பிடுகின்றார்.