கவிதை - வீறு கொள் தோழா!

by **rammalar** Sat 20 Apr 2024 - 16:48

இளைஞனே வீறு கொள்
இன்முகத்தோடு இருந்திடு.
வன்முறையை எதிர்த்து
வலிந்தே குரலெழுப்பு.

தமிழர் என்றோர்
தனித்துவம் பெற்றோர்.
தன்மானம் நிறைத்தே
தளரினும் வாழ்வர்.

பெண்ணடிமை செய்யாதே
பேதலித்து அலையாதே
பிறர் உழைப்பில்
பகட்டாய் வாழாதே!

இல்லாமை அகன்றிட
இனிதே உழைத்திடு.
இருப்பதைப் பகிர்ந்தே
இயன்றவரை உதவிடு.

பெரியோரைப் போற்றிடு
பொறுப்பாய் இருந்திடு.
நச்சுசொல் பேசாது
நாவினைக் காத்திடு.

சுருங்கச் சொல்லிடு
சுறுசுறுப்பாய் இருந்திடு.
எளிமையாய் வாழ்ந்தே
ஏற்றம் பெற்றிடு.

ஏற்றத்தாழ்வை அகற்றிடு
ஏழ்மையை விரட்டிடு.
மனதை அடக்கியே
மகிழ்வாய் வாழ்ந்திடு.

உணவை வீணாக்காதே
உயரெண்ணம் கொண்டிடு.
நாட்டை உயர்த்த
நாளும் முயன்றிடு.

ஒழுக்கம் பேணிடு
ஒற்றுமையை விரும்பிடு.
தோழா! தோழமையோடு
தொண்டுகள் செய்திடு.

நாளைய தலைவன்
நீயென்றே உணர்ந்திடு.
வீறு கொள் தோழா
விரயமாக்காதே காலத்தை.

அன்றன்று வாழ்ந்திடு
அன்போடு பேசிடு
-
-செ. கலைவாணி
நன்றி- கோகுலம்

by **rammalar** Sat 20 Apr 2024 - 16:49

by **rammalar** Sat 20 Apr 2024 - 16:58

by **rammalar** Sat 20 Apr 2024 - 16:59

கஷ்டம் வரும் போதுகண்ணை மூடாதே,
அது உன்னை கொன்றுவிடும்.

கண்ணை திறந்து பார்,அதை வென்றுவிடலாம்.

-

உனது கற்பனையை முதலீடாக நீ முன்வைத்தால்

அது உனக்கு வாழ்க்கையில் பல வெற்றிகளைத்

தேடித் தரும்!

-

ஒரு மனிதனின் அழகானது அவனது நிறமோ, பணமோ

அல்ல!

அவனது அன்பான குணமும் சாந்தமான மனதும் தான்

அழகு

-

நமது பிறப்பு ஒரு சம்பவமாக இருக்கலாம்

ஆனால்இறப்பு ஒரு சரித்திரமாக இருக்க வேண்டும்

-

அறிவையும் முன்னேற்றத்தையும் தருகிறது சிந்தனை.

சிந்தனைக்கு செயல்வடிவம் கொடுத்தால்தான் சாதனை

படைக்க முடியும்.

-

இந்த உலகத்தில் பிறந்த அனைவருக்கும் வரலாற்றின்

பக்கங்களில் ஒரு பக்கம் ஒதுக்கப்பட்டுள்ளது.ஆனால்

அந்த பக்கத்தை இந்த உலகையே படிக்க வைப்பது

உங்கள் கைகளில் தான் உள்ளது.

-

நம் தவறுகளில் இருந்து நாம் கற்றுக்கொள்ளும் பாடமே,

உயர்வான வாழ்க்கைக்கு நம்மை இட்டுச் செல்லும்

-

வெற்றி பெற வேண்டும் என்ற பதற்றம் இல்லாமல்

இருப்பதுதான்,வெற்றி பெறுவதற்கான சிறந்த வழி.

-

உனது செயல்களின் பலன் உனக்கே சொந்தம்!

எனது செயல்களின் பலன் எனக்கே சொந்தம்!

எனவே நற்செயலே நன்மை தரும்!

-

ஒரு முட்டாள் தன்னை முட்டாள்என்று உணரும் தருணத்தில்

புத்திசாலியாகின்றான்.ஆனால்,ஒரு புத்திசாலி தன்னை

புத்திசாலி என்று பெருமிதம் கொள்ளும் தருணத்தில்

முட்டாளாகின்றான்.

-

கனவு காண்பவர்கள் அனைவரும் தோற்பதில்லை,

கனவு மட்டும் காண்பவர்கள் தான் தோற்கிறார்கள்.

by Sponsored content

கவிதை - வீறு கொள் தோழா!

கவிதை - வீறு கொள் தோழா!

Re: கவிதை - வீறு கொள் தோழா!

Re: கவிதை - வீறு கொள் தோழா!

Re: கவிதை - வீறு கொள் தோழா!

Re: கவிதை - வீறு கொள் தோழா!