பரிசுத் தொகையை ரூ. 5 கோடியாக உயர்த்த இந்திய வீரர்கள் கோரிக்கை

by **நேசமுடன் ஹாசிம்** Thu 21 Apr 2011 - 12:31

நடந்து முடிந்த 2011 உலகக் கோப்பை கிரிக்கெட் தொடரில் இந்திய அணி 28 ஆண்டுகளுக்குப் பிறகு மீண்டும் சம்பியன் ஆனதையடுத்து இந்திய கிரிக்கெட் கட்டுப்பாட்டுச் சபை அனைத்து வீரர்களுக்கும் ரூ. 1 கோடி பரிசு அறிவித்தது.

ஆனால் அந்தப் பரிசுத் தொகையை ரூ. 5 கோடியாக உயர்த்த வேண்டும் என்று முன்னணி வீரர்கள் சிலர் கோரியதாக செய்திகள் வெளியாகியுள்ளன.

ஏப்ரல் 2 ஆம் திகதி இலங்கையை வீழ்த்தி இந்தியா இரண்டாவது முறையாக உலகக் கோப்பையைக் கைப்பற்றியதையடுத்து பி.சி.சி.ஐ. தலைவர் ஷஷான்க் மனோகர் வீரர்களுக்கு ரூ. 1 கோடி பரிசு அறிவித்தார்.

பயிற்சியாளர் உள்ளிட்டவர்களுக்கு ரூ. 50 இலட்சம் பரிசுத் தொகை அறிவித்தார். ஆனால் இரண்டு நாட்கள் கழித்து மூத்த இந்திய வீரர்கள் சிலர் இந்தத் தொகையை ரூ. 5 கோடியாக உயர்த்த வேண்டும் என்று கோரியதாக பி.சி.சி.ஐ. அதிகாரி ஒருவர் தெரிவித்தார்.

“முன்னணி வீரர்கள் மட்டுமே பயனடைகிறார்கள், நாங்கள் மற்றவர்களை விட அதிகம் பணம் ஈட்டுகிறோம். ஆனால் முனாப்பட்டேல் போன்ற வீரர்களின் நிலை என்ன? இந்த வீரர்களால்தான் இந்திய அணிக்கு வருமானம் பெருகிறது” என்று மூத்த வீரர் ஒருவர் கூறியதாக முன்னணி பத்திரிகை செய்தி ஒன்று தெரிவித்துள்ளது.

“எங்களுக்கு பணத்தாசை கிடையாது. ஆனால் அணியின் இளம் வீரர்களால் இந்திய கிரிக்கெட் கட்டுப்பாட்டு சபை பணம் ஈட்டியது.

புகழ் பெற்றது. இந்திய வெற்றிக்குப் பிறகு இந்திய கிரிக்கெட் கட்டுப்பாட்டு சபை ஆயிரம் கோடி ரூபாய்க் கணக்கில் வருவாய் ஈட்டும்போது இந்த இளம் வீரர்களுக்கு பரிசத் தொகையை உயர்த்தக் கோருவதில் தவறில்லை.

வீரரின் வாழ்க்கை நிச்சயமற்றது. அடுத்து என்ன நடக்கும் என்று தெரியாத நிலை உள்ளது.” என்று அந்த வீரர் கூறியதாகவும் அந்த செய்தித்தாள் செய்தி தெரிவித்துள்ளது.

மேலும் பயிற்சியாளர் உடற்கோப்புப் பயிற்சியாளர்களுக்கு பரிசுத் தொகை அளிப்பது அவசியம் என்று முன்னணி வீரர்கள் கூறியதாகத் தெரிவித்த அந்தப் பத்திரிகை செய்தி இவர்கள் அல்லாத சிலர் உதவிக்குழு நபர்களுக்கும் ரூ. 50 லட்சம் அளிப்பது என்ற நிலை இருக்கும்போது இளம் வீரர்களுக்காக நாங்கள் ஏன் அதிகத் தொகை கேட்கக் கூடாது?

ஆனால் கிரிக்கெட் சபை இந்த வீரர்களுக்கு அதிகத் தொகை கொடுக்கத்தான் வேண்டுமா என்றும் 1 கோடி ரூபாய் என்பது சிறிய தொகை அல்லவே என்றும் கூறியதாக அந்தச் செய்தித்தாள் குறிப்பிட்டுள்ளது.

by **நண்பன்** Thu 21 Apr 2011 - 13:45

ஐந்து கோடிடிடிடிடிடிடிடிடிடிடிடிடிடிடிடிடியயயயயயயயயயயா அதிர்ச்சி

பரிசுத் தொகையை ரூ. 5 கோடியாக உயர்த்த இந்திய வீரர்கள் கோரிக்கை

பரிசுத் தொகையை ரூ. 5 கோடியாக உயர்த்த இந்திய வீரர்கள் கோரிக்கை

Re: பரிசுத் தொகையை ரூ. 5 கோடியாக உயர்த்த இந்திய வீரர்கள் கோரிக்கை