சீன மொழியில் பேசப்படும் 7ஆம் அறிவு படம்

ஏ.ஆர். முருகதாஸ் இயக்கத்தில் சூர்யா தற்போது நடித்து வரும் படம் '7ஆம் அறிவு'.
இப்படத்தில் கமலஹாசனின் மகள் ஸ்ருதிஹாஸன் கதாநாயகியாக நடித்து வருகிறார். ஏ.ஆர்.முருகதாஸின் பிரதான இசையமைப்பாளரான ஹாரிஸ் ஜெயராஜ் இசையமைக்கிறார்.

இப்படத்தின் படப்பிடிப்பு வேலைகள் ஏறக்குறைய முடியும் தறுவாயில் உள்ளது. இதனிடையே இப்படத்திற்கான பாடல்களை ரெக்கார்டிங் செய்யும் வேலைகளில் மும்முரமாக ஈடுபட்டிருக்கிறார் ஹாரிஸ் ஜெயராஜ்.

இப்படத்தில் சீனாவில் பேசப்படும் 'மாண்டரின் மொழியில்' ஒரு பாடல் இடம் பெற இருக்கிறது. இப்பாடலை சீனப் பாடகர் 'பிரியன் ஹெள' பாடியிருக்கிறார்.

இப்பாடல் நமது காதுகளில் நுழையும் என்பதில் சந்தேகமில்லை. வாயில் நுழையுமா என்பதுதான் தெரியவில்லை.

'கஜினி' படத்தில் இடம்பெற்ற 'ஒரு மாலை இளவெயில் நேரம்' என்ற பாடலில் மிக சாமர்த்தியமாக 'அலேலுயா' என்ற வார்த்தேயே செருகியிருந்தீர்கள். இப்பாடலில் எந்த வார்த்தையை உள்ளிட்டிருக்கிறார் என தெரியவில்லை என்று தகவல் வட்டாரம் தெரிவிக்கின்றன.