ரோம் நகரில் அரிதான சிலை கண்டுபிடிப்பு!

by **யாதுமானவள்** Tue 23 Aug 2011 - 0:51

ரோமக் கடவுளான ஹேர்கியூல்சின் அரிதான சிலையொன்று இஸ்ரேலின் வடபகுதியிலுள்ள ஜெசீல் பள்ளத்தாக்கில் கண்டுபிடிக்கப்பட்டுள்ளது.

0.5மீ. உயரமான வெள்ளைக் களியாலான இச்சிலை ரோமானியக் குளியலறையில் அலங்கரிப்புப் பொருளாகக் காணப்பட்டிருக்கலாமெனக் கருதப்படுகின்றது. இது கி.மு.2ஆம் நூற்றாண்டுக் காலத்தையுடையதாகவும் அரிதானதான பொருளாகவும் உள்ளது.

சிறியதாக இருப்பதால் இது அசாதாரணமானது என்றும் அக்காலப்பகுதியில் காணப்பட்டவை அனைத்தும் மிகப்பெரும் அளவைக் கொண்டதாக இருந்தனவென்றும் ஓர் ஆய்வாளர் கூறினார்.

மனிதக்கடவுளான ஹேர்கியூலஸ் ஒரு தடியில் ஊன்றியபடியும் தனது 12 சாதனைகளில் முதலாவது சாதனையான ‘நேமியன்’ எனும் சிங்கத்தைக் கொன்றதால் கிடைத்த தோலினை உடையாகவும் அணிந்திருந்ததைக் காணக்கூடியதாயிருந்தது.

கிரேக்கக் கடவுளான சியசினதும் மனிதப் பெண் அல்செமீனின் மகனாகவும் பிறந்த ஹேர்கியூல்ஸ்
மைசீனிய அரசன் யூரோஸ்தியசினால் 12 சாதனைகள் செய்யப் பணிக்கப்பட்டிருந்தான்.

இது பள்ளத்தாக்கினூடாகப் புதியதொரு தொடர்வண்டிப் பாதையைக் கட்ட முற்பட்டபோதே இச்சிலை கண்டுபிடிக்கப்பட்டது. அப்பகுதியில் காணப்பட்ட முதலாவது அகழ்வுப் பொருளாக இது உள்ளதென்றனர் அகழ்வாராய்ச்சியாளர்கள்.

ஜெஸ்றீல் பள்ளத்தாக்கு எகிப்திற்கும் நவீன ஈராக்கிற்குமிடையிலுள்ள றோமன் பயா மரிஸ் எனும் புராதான வர்த்தகப் பாதையருகிலுள்ள முக்கிய பகுதியாகும்.