கணவன் கள்ளக்காதலால், போலீசார் தேடுவதால் அவமானம் அடைந்த பெண் தற்கொலை

by **நேசமுடன் ஹாசிம்** Thu 24 Nov 2011 - 15:30

போலீஸ் இன்ஸ்பெக்டர் போல் நடித்து சாப்ட்வேர் இன்ஜினியரை கடத்தி ரூ.15 லட்சம் மற்றும் காரை பறித்த 6 பேர் கைது செய்யப்பட்டனர். இதில் போலீசாரால் தேடப்பட்டு வந்த இன்ஜினியரின் மனைவி தற்கொலை செய்து கொண்டார்.
கோவை பெரியநாயக்கன்பாளையம் காமராஜர் நகரை சேர்ந்தவர் ஆனந்த்பாபு (34). மேட்டூரில் உள்ள பிரபல தனியார் நிறுவனத்தில் சாப்ட்வேர் இன்ஜினியராக உள்ளார். இவருக்கு பெரியநாயக்கன்பாளையத்தில் உள்ள ஒரு பெண்ணுடன் கள்ளத்தொடர்பு ஏற்பட்டது. அங்கேயே தங்கி விடுவார். வீட்டிற்கு வருவதில்லை என்று ஆனந்த்பாபுவின் மனைவி ஜெயந்தி(30) தனது சகோதரர் பெரியநாயக்கன்பாளையத்தில் உள்ள சரவணனிடம் தெரிவித்துள்ளார். கணவரை அடக்கி வைக்கும்படி கூறியுள்ளார். சரவணன் தனது நண்பர்கள் கணபதியை சேர்ந்த சூர்யா என்கிற கவுதம் (31) உள்பட 7 பேரை அழைத்துக்கொண்டு, ஆனந்த்பாபு வீட்டுக்கு சென்றார். இதில் சூர்யா போலீஸ் இன்ஸ்பெக்டர்போலவும், மதன்குமார் எஸ்ஐ போலும் உடை அணிந்து சென்றுள்ளனர். 7 பேரும் சேர்ந்து ஆனந்தபாபுவை கத்திமுனையில் மிரட்டி, காரில் கடத்திச்சென்றனர்.
பின்னர் அவரிடமிருந்து கார் மற்றும் ரூ.15 லட்சம் பணத்தை பறித்தனர். ‘கள்ளத்தொடர்பை விட்டுவிட்டு, மனைவியுடன் சந்தோஷமாக வாழ்க்கை நடத்தினால், கார் மற்றும் ரூ.15 லட்சத்தை திருப்பித் தருவோம்Õ எனக்கூறி அனுப்பிவைத்தனர்.

இதுபற்றி பெரியநாயக்கன்பாளையம் போலீசில் ஆனந்த்பாபு புகார் செய்தார். போலீசார் இதில் தொடர்புடைய 9 பேர் மீது 7 பிரிவுகளில் வழக்கு பதிந்து, சூர்யா என்கிற கவுதம், மதன்குமார் (29), சரவணன், ஜெபராஜ் (28), ராஜாராம்(33), உதயகுமார் (36) ஆகிய 6 பேரை கைது செய்தனர். ஆனந்த்பாபுவின் மனைவி ஜெயந்தி உள்பட 3 பேரை தேடி வந்தனர். இதற்கிடையில் காமராஜ்நகரில் உள்ள தனது வீட்டில் ஜெயந்தி இன்று காலை 10.30 மணியளவில் தூக்குப்போட்டு தற்கொலை செய்து கொண்டார். இதுகுறித்து பெரியநாயக்கன்பாளையம் போலீசாருக்கு ஜெயந்தியின் தந்தை தகவல் தெரிவித்தார். போலீசார் தேடுவதால் அவமானம் அடைந்து ஜெயந்தி தற்கொலை செய்து கொண்டதாக அவரது தந்தை கூறினார்.‘