கவிஞர் அஸ்மின் பற்றிய அறிமுகக் குறிப்பு

இலங்கை வசந்தம் TVயில் நிகழ்ச்சித் தயாரிப்பாளராகவும் தொகுப்பாளராகவும் பணிபுரியும் கவிஞர் அஸ்மின் ஈழத்தில் மரபுக் கவிதை எழுதி வரும் இளம் கவிஞர்களுள் முக்கிய கவிஞராகவும்,திரைப்பட பாடலாசிரியராகவும், அறியப்பட்டு வருகின்றார்.

விடை தேடும் வினாக்கள்(2002) விடியலின் ராகங்கள்(2003)ஆகிய கவிதை நூல்களின் ஆசிரியரான இவர் 'ரத்தம் இல்லாத யுத்தம்' கவிதை நூலை மிக விரைவில் வெளியிட இருக்கின்றார்சக்திTVயினால் நடாத்தப்பட்ட'இசை இளவரசர்கள்'போட்டி நிகழ்ச்சி மூலம் பாடலாசிரியராக அறிமுகமான இவர்,தேசியமட்ட கவிதைப் போட்டிகளில் கலந்து கொண்டு ஜனாதிபதி விருது(2001),பேராதனை பல்கலைக்கழகத்தின் தங்கப் பதக்கம் (2003) பெற்றுள்ளதோடு 2 முறை சிறந்த பாடலாசிரியருக்கான விருது (2010,2011) ,அகஸ்தியர் விருது (2011), உட்பட 10க்கும் மேற்பட்ட விருதுகளையும் பெற்றுள்ளார். 2011ம் ஆண்டு மலேசியாவில் நடைபெற்ற உலக இஸ்லாமிய தமிழ் இலக்கிய மாநாட்டில் கவிக்கோ அப்துல் ரஹ்மான் தலைமையில் இடம்பெற்ற கவியரங்கில் சிறப்பாக கவிதை பாடி மலேசியாவிலும் கொழும்பிலும் இவர் கௌரவிக்கப்பட்டுள்ளார்.[img][/img]

இவரது இலக்கிய பணியை பாராட்டி 'தடாகம்' கலை இலக்கிய அமைப்பு ''கலைத்தீபம்'' என்ற பட்டத்தினையும் 'லக்ஸ்டோ' ஊடக அமைப்பு ''கலைமுத்து'' என்ற பட்டத்தினையும் அண்மையில் வழங்கி கௌரவித்துள்ளன. சுபாசெவ்வேளின் தயாரிப்பில் இயக்குனர் கேசவராஜின் இயக்கத்தில் வெளிவரவுள்ள ''பனைமரக்காடு'' தமிழ் திரைப்படத்தில் பாடல்களை எழுதியிருக்கும் இவர் சு.வரதகுமாரின் இயக்கத்தில் வெளிவரவுள்ள 'வல்லைவெளி' திரைப்படத்தில் பாடல்களை எழுதியுள்ளார்.இயக்குனர் ஏ.வெங்கடேஸின் திரைப்படத்தில் பாடல் எழுதுவதற்காக ஒப்பந்தமாகியுள்ளார்.

மதிப்பிற்குரிய அன்பு கவிஞர் அஸ்மின் அவர்களை சேனையில் வரவேற்பதில் அளவற்ற மகிழ்ச்சி. இணைந்திருப்போம் நட்போடு பயணிப்போம்
:!@!:

கவிஞர் அஸ்மின் அவர்களை இந்த சேனைதமிழ் உலாவில் காண்பதை இட்டு பெருமகிழ்ச்சி அடைகிறோம் நானும் கவிஞரின் ஒரு ரசிகன் கடந்த வருடம் மலேசியா செல்வதற்க்கு வந்திருந்த போது நான் ஸ்ரீலங்கா முஸ்லீம் காங்கிரஸ் தலைவருடன் நின்றிருந்தேன் உங்களையும் கண்டேன் சேனையில் உங்கள் திறமான வரிகளை அன்பர்களுடன் பகிருங்கள் வாழ்த்துக்கள் கவிஞரே :flower: :flower:

கவிஞர் அஸ்மின் அவர்களை இந்த சேனைத் தமிழ் உலாவில் சந்திப்பதை இட்டு பெருமகிழ்ச்சி அடைகிறோம்.நான் உங்களின் தீவிர ரசிகன் எனது நண்பர்களுடன் உங்களைப் பற்றி பேசுவது வழக்கம் உங்களின் வரவைக் கண்டதும் அளவில்லா மகிழ்ச்சி என்று இணைந்திருங்கள் .

நட்புடன் சம்ஸ்

உங்கள் வருகையில் மிக்க மகிழ்ச்சி..
உங்கள் கவிதைகளை படிக்க காத்திருக்கிறேன்..

அவரைப் பற்றிய அறிமுகம் தானே
அவர் யாரையோ சொல்வது போல் சொல்லி இருக்கே ஒண்ணும் புரியல

அஸ்வினின் வரவால் ஆனந்தம் கொள்கிறது சேனை
அமுதாம் தமிழை அழகிய கவியாய் அனுதினமும் இங்கு அள்ளிப் பருக ஆவலுடன் உள்ளேன்....
பதிந்திடும் அவரது பாக்கள் வழியே பாசமுள்ள உறவுகள் பல்கிப் பெருகிட பண்புடன் அவரை வரவேற்று உங்களுடன் நானும் மகிழ்கிறேன்....