விண்வெளியிலிருந்து பூமிக்கு பாயத் துணியும் நபர்!

june 10th, 2012 அன்று பிரசுரிக்கப்பட்டது.

13.6 மைல் உயரத்திலிருந்து தனது விண்வெளிக் கலத்திலிருந்து பாயத் துணிந்துள்ளார் ஒஸ்ரியாவின் Felix Baungartner.

இங்கிருந்து பாய்ந்தால் உங்களது ஒவ்வொரு உடற்பகுதியும் உடலில் இருக்கவிரும்பாததுபோலத் தோன்றலாம். அத்துடன் நிமிடத்திற்கு 150 சுற்றுக்களைச் செய்யும்போது ஒருவரது இரத்தமும் வெளிச்சென்றுவிடுவது போலிருக்கும்.

இதற்கு Felix 120,000அடி, கிட்டத்தட்ட 23 மைல்கள், ஹீலியம் பலூனுடன் பொருத்தப்பட்ட ஒரு பலமான பெட்டியொன்றில் சென்று அங்கிருந்து அமுக்கங் கொடுக்கப்பட்ட விண்வெளியுடையினை அணிந்தவாறு 35 விநாடிகளுக்குத் தனது பறப்பைக் கட்டுப்படுத்தி அது ஒலியின் வேகத்திற்கு வந்ததும் சுப்பர்சொனிக் வேகத்தில் வந்து பின்னர் நிலம்நோக்கி பரசூட்டின் உதவியுடன் விழுவார்.

இதற்காக இவர் நாசாவினால் பயிற்றப்பட்ட நிபுணர்களின்கீழ் பயிற்சிபெற்று 7 ஆண்டுகளாக மில்லியன் கணக்கான பணத்தினையும் செலவழித்துள்ளார்.

இவர் இந்தப் பறப்பினை 1960களில் 102,800 அடியிலிருந்து விழுந்த அமெரிக்க விமானியான ஜோ கிற்றிங்கரின் சாதனையை முறியடிக்கவுள்ளார். இதனை மேற்கொள்ளமுன்னர் பரிசோதனை விழுகையை ஜோ செய்துபார்த்திருந்தார். இதன்போது அவரது உபகரணமொன்று பழுதடைந்ததால் மயக்கமடைந்துமிருந்தார்.

தான் ஜோவின் 50 வருடச் சாதனையை முறியடிக்கவுள்ளதாக Felix கூறினார்.
Felix கடந்த மாதம் 71,581 அடியிலிருந்து பரிசோதனை விழுகையை வெற்றிகரமாக முடித்திருந்தார்.

இதனால் அது எப்படியிருக்குமென்பதை அவர் அறிந்திருப்பார் என்றும் இவரது விழுகை எதிர்வரும் ஜுலைக்கும் ஒக்ரோபரிற்குமிடையில் இடம்பெறுமென்கின்றனர்.

எனினும் இவற்றில் ஏதாவது பிழைத்துவிட்டால் அவரது உயிரிற்கு ஆபத்துக்கூட ஏற்படலாம். எனினும் இந்த 63,000அடி வரும்வரையில் இந்தப் பாதிப்புகள் ஏற்படலாமென்றும் கூறப்படுகின்றது.

எனினும் இதனைத் தாம் ஒரு சாதனை முறியடிப்பாகக் கருதுவதைவிடவும் ஒருவரால் கீழிருந்து மேலேசென்று பின்னர் கீழே வரவும் முடியும் என்பதை உறுதிப்படுத்தவே செய்வதாகக் கூறுகின்றார்கள் இதனை ஒழுங்குசெய்த நிறுவனத்தினர்.

இவரது விழுகை பிழைக்கும்போது அவர் சுப்பர்சொனிக் வேகத்தில் வரும்போதுகூட அவசியமெனில் அவரைச் சமநிலைப்படுத்த அவசரகால பரசூட் ஒன்று உள்ளது என்றனர்.

எனினும் தான் எதற்கும் தயாராகவே உள்ளதாகக் கூறினார் Felix.

இவரது உடையிலும் நெஞ்சுப்பகுதியில் ஒரு கணினி காணப்படும். இது அவரது இறங்குகை, இதயத்துடிப்பு, ஒட்சிசன் மற்றும் பிற விடயங்களை கீழுள்ளவர்களுக்கு அனுப்புவதோடு 120 பாகை வீடியோ கமெரா ஒன்றும் பொருத்தப்பட்டிருக்கும்.