ஓடும் ரெயிலில் மாணவன்- மாணவி உல்லாசம்! போலீசாரிடம் கதறி அழுத மாணவி!

by **Muthumohamed** Sat Mar 16, 2013 10:11 am

ஓடும் ரெயிலில் மாணவன்- மாணவி உல்லாசம்! போலீசாரிடம் கதறி அழுத மாணவி!

செங்கோட்டையில் இருந்து நெல்லைக்கு தினசரி காலை 9 மணிக்கு பயணிகள் ரெயில்
வருகிறது. இந்த ரெயிலில் வரும் ஒரு கல்லூரி மாணவனும், மாணவியும்
காதலித்துள்ளனர். இவர்கள் கல்லூரி நாட்களில் ரெயிலில் அருகருகே அமர்ந்து
காதல் கதைகள் பேசி வருவது வழக்கம். இதை பயணிகள் பெரிதாக எடுத்துக்
கொள்வதில்லை.

ஆனால் கடந்த ஒரு மாதமாக இந்த காதல் ஜோடியினர்
அடிக்கடி கழிவறைக்கு சென்று நடத்திய காதல் களியாட்டங்களைத்தான் பயணிகளால்
சகிக்க முடியவில்லை. செங்கோட்டை ரெயில் நெல்லை சந்திப்பு ரெயில்
நிலையத்திற்கு அருகே ரெயில் வந்ததும் காதலன் முதலில் ரெயில் பெட்டியில்
உள்ள கழிவறைக்குள் சென்றுவிடுவார்.

பின்னர் சிறிது நேரம் கழித்து அதே கழிவறைக்குள் அந்த மாணவியும்
சென்றுவிடுவார். பின்பு வெகுநேரம் கழித்து ஆட்கள் இல்லை என்பதை உறுதி
செய்து கொண்ட பிறகுதான் காதல் ஜோடிகள் கழிவறையை விட்டு வெளியே
வருவார்களாம். இதை அடிக்கடி கவனித்த ரெயில் பயணிகள் போலீசில் அவர்களை
மாட்டிவிட திட்டமிட்டனர்.

15.03.2013 வெள்ளிக்கிழமை காலை
கடைசிக்கு முந்தைய ரெயில் பெட்டியில் அந்த காதல் ஜோடிகள் ஒருவர் பின்
ஒருவராக கழிவறைக்குள் சென்றனர். இதை கவனித்த பயணிகள், ரெயில் நெல்லை
சந்திப்புக்கு வந்து நின்றதும் ரெயில்வே போலீசுக்கு சில பயணிகள்
தெரிவித்தனர். உடனே போலீசார் அந்த பெட்டிக்கு வெளியே நின்று கொண்டு காதல்
ஜோடி வெளிவருகிறதா? என்று பார்த்தனர்.

ஆனால் கழிவறைக்குள்
இருந்து சத்தம் வந்ததே தவிர அவர்கள் வெளிவரவில்லை. இதனால் சுமார் 15
நிமிடங்கள் கழித்து ரெயில்வே போலீஸ் சப்- இன்ஸ்பெக்டர் மணிகண்டன் மற்றும்
போலீசார் அந்த பெட்டிக்குள் நுழைந்து கழிவறை கதவை தட்டினார்கள்.

முதலில் உள்ளே இருந்து பேச மறுத்த வாலிபர், பாத்ரூம் போவதாக கூறி சுமார் 10
நிமிடம் போலீசாரை காக்க வைத்தார். பொறுமையிழந்த போலீசார் கதவை உடனடியாக
திறக்கும்படி எச்சரித்தனர். அதன்பிறகும் திறக்காததால், கதவை உடைத்து திறக்க
வேண்டியதுதான் என்று வேகமாக தட்டினார்கள்.

இதைத் தொடர்ந்து கதவை
திறந்து கல்லூரி மாணவர் ஒருவர் வெளியே வந்தார். அவருக்கு பின்னால் கதறி
அழுதபடி கல்லூரி மாணவி வந்தார். போலீசாரை கண்டதும் அவர்கள் கதறி அழுதபடி,
சார் தெரியாமல் தவறு செய்து விட்டோம், மன்னித்து விடுங்கள் என்று
கெஞ்சினர்.

அந்த மாணவியோ போலீஸ் நிலையம் அழைத்து சென்றால்
செத்துவிடுவேன் என்று முகத்தை மூடிக்கொண்டு அழுதார். போலீசார்
விசாரித்ததில் அந்த மாணவர் தென்காசியை சேர்ந்தவர் என்றும், அந்த மாணவி
நெல்லை டவுண் பகுதியை சேர்ந்தவர் என்பதும் தெரியவந்தது. மாணவியின் தந்தை
வெளிநாட்டில் வேலை பார்த்து வருகிறார். அவர்கள் இருவரும் பாளையில் உள்ள
கல்லூரியில் ஒரே வகுப்பில் முதலாம் ஆண்டு படிப்பவர்கள்.