பணத்திற்காக பனி மூடிய 'ரோதங்' கணவாய் வரை பயணிகளை அழைத்துச் செல்லும் டாக்சி டிரைவர்கள்

மணாலி, மே 19-

இமயமலையில் உள்ள மணாலிக்கு கோடை சுற்றுலா செல்லுபவர்கள் அருகில் உள்ள 'ரோதங்' கணவாய் வரை சென்று பார்த்துவிட்டு வருவது வழக்கம். என்றாலும், தற்போது பனி அதிக அளவில் உறைந்துள்ளதாலும், சில இடங்களில் மேலோட்டமாக பனி படர்ந்துள்ளதாலும் அங்கே செல்வது ஆபத்தானது என்று அரசு எச்சரித்துள்ளது.

தகுந்த பாதுகாப்பு ஏற்பாடுகள் இல்லாத நிலையில் சென்ற வருடம் ஜூன் மாதம் அங்கு சென்ற ஒருவரும், இரண்டு காட்டு எருதுகளும் உறைபனிக்குள் சிக்கிக்கொண்டது. இதில் அந்த மனிதனை மட்டுமே காப்பாற்ற முடிந்தது. எனவே, மணாலிக்கு அருகில் உள்ள மார்ஹி வரை மட்டுமே செல்லலாம் என்று அரசு அறிவித்துள்ளது.

தற்போது விடுமுறைக்கு வரும் பயணிகள் இந்த அறிவிப்பு குறித்து அறியாமல், 'ரோதங்' வரை சென்று பார்க்க விருப்பபடுகிறார்கள். இதனைப் பயன்படுத்திக் கொள்ளும் தனியார் வாகன ஓட்டிகள் அதிகப் பணம் பெற்றுக் கொண்டு இத்தகைய செயலில் ஈடுபடுகின்றனர்.

எல்லைப்புற சாலை அமைப்பின் பாதுகாப்பில் வரும் மார்ஹியில் இருந்து 17 கி.மீ. தூரம் கொண்ட 'ரோதங்' பயணத்திற்கு ரூ. 3 ஆயிரம் முதல் ரூ.5 ஆயிரம் வரை வசூலிக்கும் அவர்கள் பயணிகளின் பாதுகாப்பைப் பற்றிக் கவலைப்படுவதில்லை.

சமீபத்தில், இந்தூரில் இருந்து சென்றுவந்த சரன்ஷ் ஜெயின், தாங்கள் சென்ற டாக்சி டிரைவர் ரோதங் வரை செல்ல முடியாது என்று கூறி ஏமாற்றுவதாக நினைத்துக் கொண்டு மற்றொரு வண்டியில் ரூ. 3,000 செலுத்தி அங்கு சென்று பார்த்து வந்ததாகக் கூறுகிறார்.

அதிகாரிகள் தீவிர கண்காணிப்பு ஈடுபடாவிட்டால் இதுபோன்ற ஆபத்தான பயணத்தை தடுக்க முடியாது என்று டாக்சி டிரைவர்கள் தெரிவிக்கின்றனர். சுற்றுலாத்துறையின் வளர்ச்சி அதிகாரியாகவும் கூடுதல் பொறுப்பு ஏற்றுள்ள மணாலியின் துணை மாவட்ட நீதிபதி வினய் திமான், சாலைப் பாதுகாப்புத் துறையினர் மற்றும் காவல்துறையினரிடம் கலந்து பேசி சுற்றுலாப் பயணிகளுக்கு ஆபத்தை ஏற்படுத்தும் இத்தகையப் பயணத்தை தடுக்க ஏற்பாடுகள் செய்வதாகத் தெரிவித்துள்ளார்.

விபத்துக்கள் நடந்த பிறகு தலையை முட்டி பலனில்லை அவர்கள் சிந்திக்கட்டும் (*

நண்பன் wrote:விபத்துக்கள் நடந்த பிறகு தலையை முட்டி பலனில்லை அவர்கள் சிந்திக்கட்டும் (*

@. @. @.