"தானாக திறந்ததா' தங்க சுரங்கம்? : நீலகிரி அருகே பரபரப்பு!

by **ராகவா** Thu 19 Sep 2013 - 10:57

பந்தலூர்: நீலகிரி அருகே, சாலையோரத்தில் ஏற்பட்டுள்ள, 150 அடி ஆழ திடீர் பள்ளம், ஆங்கிலேயர் கால தங்கச் சுரங்கமா என, ஆய்வு நடத்தப்படவுள்ளது. இதனால், அப்பகுதி மக்களிடையே பரபரப்பு நிலவுகிறது. பந்தலூர் சுற்றுப்புற பகுதிகளில், கடந்த ஒரு வாரமாக தொடர் மழை பொழிகிறது. இதனால், பந்தலூர் - கிளன்ராக் ரோட்டை ஒட்டி, திடீர் பள்ளம் ஏற்பட்டுள்ளது. ஏறத்தாழ, 150 அடி ஆழத்துக்கு மண் சரிந்துள்ளது. இது, தோட்ட தொழிலாளர்கள், பழங்குடி மக்கள் மத்தியில், தங்க சுரங்கத்தின் நுழைவாயில் தெரிவதாக, பரபரப்பை ஏற்படுத்தியுள்ளது. இத்தகவல், ஆர்.டி.ஓ., உள்ளிட்ட அதிகாரிகளுக்கு தெரிவிக்கப்பட்டுள்ளது.

தங்க சுரங்கமா? : கடந்த, 1831ல், ஆங்கிலேயர் காலத்தில், லண்டனைச் சேர்ந்த ஹூகேனின் என்பவர், மலபார் பகுதியையொட்டி, பந்தலூர் அருகேயுள்ள கிளன்ராக் பகுதியில், தங்க படிமங்கள் இருப்பதை கண்டறிந்தார். "ஆல்பாகோல்டு மைனிங் கம்பெனி'யினர், தேவாலா பகுதியை ஒட்டி, 0.5 மைல் சுற்றளவில், சுரங்கப்பாதைகளை அமைத்தனர். சிறிய துகள்களாக காணப்பட்ட தங்கம், பாறைகளாக தென்பட்டதாக, 1879ல், "லண்டன் ஸ்டாக் மார்க்கெட்டிங் நிறுவனத்தினர்' உறுதி செய்து, சுரங்கம் தோண்டி, தங்கம் எடுத்தனர். ஆங்கிலேயர் ஆட்சி அகன்ற பின், சுரங்கம் அருகில் செல்ல மக்களுக்கு, மத்திய அரசு தடைவிதித்தது.
எனினும், தங்க துகள் சேகரிக்கும் பணியில், உள்ளூர் நபர்கள் அவ்வப்போது ஈடுபட்டுள்ளனர். தற்போது, 10க்கும் மேற்பட்ட சுரங்கங்கள், கிளன்ராக் பகுதியில் இருப்பதாக கூறப்படுகிறது. இங்கு ஏற்பட்டுள்ள பள்ளமே, தங்கச் சுரங்கம் திறந்ததாக ஏற்பட்ட பரபரப்புக்கு காரணமென கூறப்படுகிறது.

இதுகுறித்து, பந்தலூர் தாசில்தார் இன்னாசிமுத்து கூறுகையில், ""கிளன்ராக் பகுதியில் ஆங்கிலேயர் காலத்தில் தங்க சுரங்கங்கள் இருந்துள்ளன. அப்பகுதியில் ஏற்பட்டுள்ள புதிய பள்ளம், சுரங்கமாக கூட இருக்கலாம். கனிமவளத் துறையினரை வரவழைத்து, ஆய்வு மேற்கொள்ள நடவடிக்கை எடுக்கப்படும்,'' என்றார்.

நன்றி:தினமலர்

by **Muthumohamed** Thu 19 Sep 2013 - 14:09

தங்க சுரங்கமா ?

தகவலுக்கு நன்றி

"தானாக திறந்ததா' தங்க சுரங்கம்? : நீலகிரி அருகே பரபரப்பு!

"தானாக திறந்ததா' தங்க சுரங்கம்? : நீலகிரி அருகே பரபரப்பு!

Re: "தானாக திறந்ததா' தங்க சுரங்கம்? : நீலகிரி அருகே பரபரப்பு!