இந்தியாவிற்கு வழங்கிய உறுதி மொழியை இலங்கை நிறைவேற்றியேயாக வேண்டும்: மனோ கணேசன்

இந்தியாவில் ஆட்சி மாறினாலும் காட்சி மாறினாலும் பொதுக்கொள்கை மாறாது. பா.ஜ.க. அல்லது காங்கிரஸ் என்று எந்தக்கட்சி ஆட்சியமைத்தாலும் இலங்கை இந்தியாவிற்கு வழங்கிய உறுதிமொழிகளை நிறைவேற்றியேயாக வேண்டும் என்று மேல் மாகாண சபை உறுப்பினர் மனோ கணேசன் தெரிவித்தார்.

இது தொடர்பில் அவர் மேலும் கருத்துத் தெரிவிக்கையில்;

இந்திய பிரதமர் மோடிக்கும் இலங்கை ஜனாதிபதி மஹிந்த ராஜபக் ஷவிற்கும் இடையில் அண்மையில் இடம்பெற்ற பேச்சுவார்த்தை தொடர்பாக ஜனாதிபதி செயலகம் விடுத்த அறிக்கையில் பல விடயங்கள் மூடி மறைக்கப்பட்டுள்ளன. இதனை நான் கொழும்பில் நடந்த ஊடகவியலாளர் மாநாடு ஒன்றில் தெளிவுபடுத்தி இருக்கிறேன். 13வது திருத்தம் மற்றும் 13பிளஸ் குறித்த நடவடிக்கைகளை முன்னெடுக்க வேண்டியதன் அவசியமும் இலங்கை தமிழர்களின் கௌரவம், சமத்துவம், அபிலாஷைகள் என்பன உறுதிப்படுத்தப்பட வேண்டியது தொடர்பாகவும் பேச்சுவார்த்தையில் மோடி வலியுறுத்தி இருக்கிறார்.

13 ஆவது திருத்தம், 13 பிளஸ் குறித்து அரசாங்கம் இந்தியாவுக்கு மட்டும் உறுதி வழங்கவில்லை. ஐக்கிய நாடுகளின் செயலாளர் நாயகம் பான்கீன் மூனிடமும் அமுலாக்கம் குறித்த உறுதி மொழியை அரசாங்கம் வழங்கியிருக்கிறது. உறுதிகளை வழங்கிவிட்டு அரசாங்கம் இவற்றை நிறைவேற்றாமல் இருக்க முடியாது. உள்நாட்டில் ஒப்பந்தங்களை செய்து உறுதிமொழிகளை வழங்கிவிட்டு அவற்றை நடைமுறைப்படுத்தாமல் ஏமாற்றுவதைப்போல அரசாங்கம் சர்வதேச நாடுகளையோஇ அமைப்புகளையோ, சர்வதேச தலைவர்களையோ ஏமாற்ற முடியாது. வாக்குறுதிகளை அரசாங்கம் நிறைவேற்றியே ஆக வேண்டும்.

நிறைவேற்றியே ஆக வேண்டும் ஆனால் எப்போது ...???? இன்னும் 50 ஆண்டுகள் கழித்து அனைத்து தமிழ் இனமும் ஒழிந்த பிறகு ...