கூழாங்கற்கள்....!! [ கவிதை ].

by **ந.க.துறைவன்** Fri 15 Aug 2014 - 8:19

*
விடுமுறை ஜாலியா?
*
என்ன தம்பி,
ரொம்ப சந்தோஷமாயிருக்கே
தெரியாதா?
மூணு நாளைக்கு
அய்யாவுக்கு விடுமுறை.
அதான்
சுதந்திரமா மகிழ்ச்சியா?
இருக்கேன் போதுமா?

by **ந.க.துறைவன்** Fri 15 Aug 2014 - 13:08

*
தடை…!!
*
பூக்களோடு
பேசக் கூடாதென்று
தடை.
வண்டுகளைக்
காதலிக்கக்
கூடாதென்று
தடை.
ஆடைக் கட்டிய
பால் அருந்தக்
கூடாதென்று
தடை.
காக்கைகள்
பானையில் தண்ணீர்
குடிக்கக் கூடாதென்று
தடை.
என் அப்பா
எனக்குப் போட்டத்
தடை.
ஏனென்று தெரியுமா?
யாருக்கேனும்
அதற்கான விடை?.

*

by **கவிதை ரசிகன்** Sat 16 Aug 2014 - 10:42

அருமை

by **ந.க.துறைவன்** Sat 16 Aug 2014 - 14:34

நன்றி

by **ந.க.துறைவன்** Mon 18 Aug 2014 - 7:44

*
திரும்பி வந்தான்…!!
*
கிராமத்திலிருந்து
நகரத்திற்குப் போனான்.
பிழைப்பதற்கு,
மீண்டும் ஊர்
திரும்பி வந்தான்
உழைப்பதற்கு….!!
*
சாணித் தெளிக்கும்
பெண்ணைப்
பார்த்துவிட்டு
எழுந்து ஒடியது
வேகமாய்
தெரு நாய்…!!.
*
உயரமான மரத்தில்
எத்தனை அழகாக
வரிசையில் போய்
அச்சமின்றி ஏறுகிறது
கட்டெறும்புகள்….!!.

*

by **ந.க.துறைவன்** Wed 20 Aug 2014 - 7:00

*
குடியிருப்பு..!!.
*
யார் குடியிருக்கவோ?
அழகானக் குகைப் போன்று
மரத்தைப்
பொந்து பொந்துவாக்கிக்
கட்டியிருக்கிறது
வீடுகளாய்
மரக்கொத்திப் பறவைகள்…!!.

*

by **ந.க.துறைவன்** Thu 21 Aug 2014 - 12:38

*
மனச் சலிப்பு…!!
*
பெண்வீட்டாருக்கு மாப்பிள்ளைப்
பிடித்திருந்தது.
மாப்பிள்ளை வீட்டாருக்கு
பெண்வீட்டாரின் குடும்பப்
பின்னணிப் பிடிக்கவில்லை
பிடிப்பதும் பிடிக்காததும்
அவரவர்கள் விருப்பம்
பெண் மனம் சலித்தாள்
மாப்பிள்ளை மனம் அலுத்தான்.

*

by **பானுஷபானா** Thu 21 Aug 2014 - 15:39

அனைத்துமே அருமை ஐயா சூப்பர்

by **நேசமுடன் ஹாசிம்** Thu 21 Aug 2014 - 15:42

அருமையான பகிர்வு நன்றி ஐயா

by **ahmad78** Sun 24 Aug 2014 - 8:12

அனைத்தும்

by **ந.க.துறைவன்** Mon 25 Aug 2014 - 12:39

மிக்க நன்றி அகமது...

by **ந.க.துறைவன்** Tue 26 Aug 2014 - 8:15

*
எளிது… எளிது…!!“
*
எது விரும்புகின்றோமோ
அது எளிதில் கிடைப்பதில்லை.
எது விருப்பமில்லையோ
அது எளிதில் கிடைத்துவிடுகிறது.
இது மனசின்
விளையாட்டா? விசித்திரமா?
உங்கள் அனுபவம் எப்படி?

*

by **நண்பன்** Tue 26 Aug 2014 - 9:03

விசித்திரம்தான் விதியை மாற்ற முடியுமா?
எல்லோருக்கும் இது நடப்பதுண்டு எனக்கு கொஞ்சம் அதிகமாகவே நடக்கிறது நாம் நினைப்பது ஒன்று கண் முன் நடப்பது இன்னொன்று
நாம் எதிர் பார்ப்பது ஒன்று நமக்கு கிடைப்பது வேறொன்று
இதுதான் நடக்கிறது

by **முனாஸ் சுலைமான்** Tue 26 Aug 2014 - 18:23

ந.க.துறைவன் wrote:*
விடுமுறை ஜாலியா?
*
என்ன தம்பி,
ரொம்ப சந்தோஷமாயிருக்கே
தெரியாதா?
மூணு நாளைக்கு
அய்யாவுக்கு விடுமுறை.
அதான்
சுதந்திரமா மகிழ்ச்சியா?
இருக்கேன் போதுமா?

விடுமுறை என்றாலே குதூகலம்தான் *_

by **ந.க.துறைவன்** Tue 9 Sep 2014 - 14:11

வெற்றி…!!
*
இளமையில் தோல்வி
கல்வியில் தோல்வி
காதலில் தோல்வி
வேலையில் தோல்வி
வாழ்க்கையில் தோல்வி
கடைசியாய்
அவனுக்குக் கிடைத்தது
மரணத்தில் வெற்றி…!!.

*

by **ந.க.துறைவன்** Sat 13 Sep 2014 - 7:11

கம்மங் கதிரு…!!

காடுகழனிப் பார்த்து ரொம்ப
வருஷமாச்சின்னு
காலார நடந்துப் போய்
பார்த்து வரலாமுன்னு
நினைச்சி புறப்பட்டுப் போனேன்.
பச்சை பசேல்லுன்னு அங்கே
பசுமையான அழகு காட்சி.
வரப்பிலே நடந்து போகையில்
குருவிங்களெல்லாம் உற்சாகமா
தலைக்கு மேலே பறக்கின்றன.
வரப்பிலிருந்தவாறே
செண்டாக முதிர்ந்த ரெண்டு
கம்மங் கதிரை கைநீட்டி பறிச்சி
உள்ளங்கையில் வைச்சி
நுமிட்டி நுமிட்டி ஊதி ஊதி
வாயிலிட்டுச் சுவைத்தேன்
பச்சைக் கதிரி்ன் பால்சுவை
அத்தனையும் ருசியான
தெவிட்டாத தேன்சுவை.
செழிப்பான மண்ணின்சுவை.
மீண்டும் நடந்தபோது எதிரில்
எதிர்ப்பட்டது என் மாணவப்
பருவத்து காதலி.
அவள் இன்று இரண்டு
குழந்தைகளின் தாய்.
அவளின் அழகு முன்னைவிட
மங்கலமாய் பிரகாசிக்கின்றது.
அவளை நலம் விசாரித்து
அவளுக்கே தெரியாமல்
கண்ணீர் வெளியி்ல் தெரியாமல்
வரப்புப் பார்த்து வழிநடந்தேன்
பசுமையான நினைவுகளோடு…!!.
*.

by **ந.க.துறைவன்** Tue 16 Sep 2014 - 15:21

அடைக்கலம்…!!.
*
வாய்விட்டு சொல்லாமல்
மனசுக்குள்ளேயே வைச்சி
எத்தனையோ பேருக்கு
இரகசியமாய்
அடைக்கலம் கொடுத்து
பாதுகாத்திருக்கின்றது
மௌனமான – அந்த
மறைவான
மலைக் குன்றுகள்…!!..
*

by **ந.க.துறைவன்** Mon 22 Sep 2014 - 9:25

பழைய டைரி…!!
*
பரணையிலிருந்து கிடைத்தது
தாத்தாவின் பழைய டைரி
பிரித்துப் படித்தால்
பக்கமெல்லாம் எழுதியிருந்தது
கடன் கணக்கு.
*
அந்தக் காலத்துப்
பாட்டிகளெல்லாம்
குடும்பத்திற்கு
வழிகாட்டிகள்
இப்பொழுது
அனைவருக்கும்
அவர்கள் வெறும்
மூதாட்டிகள்.
*
தாத்தா நிலம்
வாங்கிப் போட்டார்.
அப்பா வீடு
கட்டி வாழ்ந்தார்.
விற்று தீர்த்தான்
குடிகார மகன்.
*

by **ந.க.துறைவன்** Tue 14 Oct 2014 - 7:46

துணை…!!
*
பாதையில்
நடந்துப் போகையில்
அழகானப் பெண்
எதிரில் வந்தாள்.
ரசிக்காமலிருக்க
முடியவில்லை
யார் அந்தப் பெண்?
இளம் பசுமாடு….!!
*
தூக்கம்
வரவில்லையென
தவிப்பவர்க்கு
தூக்க மாத்திரையே
துணை…!!

*

by **Nisha** Tue 14 Oct 2014 - 8:32

ஹாஹா!
யாருப்பா அந்த பெண் என பார்த்தால்!!*!*

அன்றாட வாழ்க்கையில் கண்டதும் கேட்டதும் கூழாங்கற்களாய் பதிவாகுவது அருமை!

இன்னும் தொடருங்கள்.

by **ந.க.துறைவன்** Fri 31 Oct 2014 - 15:02

சிலந்தி…!!
*
எப்பொழுது
வெளியேறலாமென்று
எதிர்ப்பார்த்துக்
காத்திருக்கின்றது
அடக்கி
வைக்கப்படடடிருக்கும்
பெருந் துக்கம்.
*
உறவினருக்கு
உபசரிக்கக் கொண்டு
வந்து வைத்தப்
பிஸ்கடடும் மிக்ஸரும்
மறைக்கின்றன
பீங்கான் தட்டில்
வரைந்துள்ள
அழகான ஓவியங்கள்.
*

கவலையைப் பற்றி
கவிதை எழுத
நினைத்தேன்.
சிரித்துக் கொண்டே
வலையில் நகர்ந்தது
சிலந்தி.

*

by **பானுஷபானா** Fri 31 Oct 2014 - 15:23

சிலந்தி சிரிக்குமா அருமை

by **ந.க.துறைவன்** Fri 31 Oct 2014 - 15:50

மிக்க நன்றி பானுஷா...

by **பானுஷபானா** Fri 31 Oct 2014 - 15:55

ந.க.துறைவன் wrote:மிக்க நன்றி பானுஷா...

பானுஷா பெயர் நல்லா இருக்கு ^_

by **ந.க.துறைவன்** Sat 1 Nov 2014 - 13:37

மயக்கம்…!!
*
பொழுது சாய்ந்தால்
பூக்களுக்கு
மயக்கம் வரும்
உதிர்கிறோமே என்று
தயக்கம் வரும்
விதியை நொந்து
துக்கம் வரும்
*
காலையில் எழுந்து
இரைத் தேடிக்
குப்பையைக் கிளறிக்
கொண்டிருக்கின்றன
கூவி முடித்தக்
கோழிகள்.
*
உபயோகப்படுத்தாமல்
பரண்மேல்
சும்மா
படுத்திருக்கின்றது
நெல்லுக் குத்தும்
உலக்கை.
*
கோள்மூட்டிகளின் பொறாமைப்
பேச்சினைக் கேட்டு
மனம் நொறுங்கிப் போனாள்

நெருங்கிய நண்பி.

by Sponsored content

கூழாங்கற்கள்....!! [ கவிதை ].

கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].

Re: கூழாங்கற்கள்....!! [ கவிதை ].