வருத்தத்தில் லிட்டில் நயன்தாரா

by **rinos** Fri 29 Jul 2011 - 1:03

தமிழ்த் திரையுலகில் ஒருவரின் முகச்சாயலைப் போல் மற்றொருவர் இருப்பது அபூர்வம்தான். அப்படிப்பட்ட அபூர்வ படைப்பில் நடிகை மேக்னா ராஜ் இருப்பதாக கோலிவுட் வட்டாரம் அடித்துச் சொல்கிறது. பிரபல நடிகையான நயன்தாராவின் முகச்சாயலைப் போல் இருக்கும் மேக்னா ராஜ், தற்போது 'உயர்திரு 420' என்ற படத்தில் நடித்து வருகிறார். லிட்டில் நயன்தாரா என்று கோலிவுட்டில் அழைக்கப்படும் மேக்னாவிடம் நயன்தாராவைப் பற்றி கேட்டதற்கு "நான் நயன்தாரா போல் இருப்பதாக நிறைய பேர் சொல்லுகிறார்கள். மீடியாக்களும் என்னை அவருடன் ஒப்பிட்டு பேசுகின்றன. நயன்தாரா இடத்தை நீங்கள் பிடிப்பீர்களா? என்றெல்லாம் கேட்கிறார்கள். நயன்தாராவின் நடிப்பு எனக்கு பிடித்தமான ஒன்றுதான். ஆனால், எனக்கான இடம் அவருடையது அல்ல. எனக்கென தனி இடம் இருக்கிறது. அதற்கு என்னை தயார்ப்படுத்தி வருகிறேன். நயன்தாராவின் திருமணம் குறித்து கருத்து சொல்ல நான் விரும்பவில்லை. தமிழில் நான் நடிக்க முதலில் ஒப்பந்தம் செய்யப்பட்ட படம் 'கிருஷ்ணலீலை' அப்படத்தின் ரஷ் பார்த்த பலரும் என் நடிப்பை பாராட்டி இருந்தார்கள். ஆனால் படம் இதுவரை ரிலீசாகாமல் இருப்பது எனக்கு மிகுந்த மன வருத்தத்தை அளிக்கிறது," என்றார். தனி இடமெல்லாம் ஓகேதான்... ஆனா, இடம் கெடைக்கணுமே....?