2000 குற்றவாளிகளை பிடிக்க வெளிநாட்டில் வலை விரிப்பு

by **நண்பன்** Sat 13 Aug 2011 - 3:48

2000 குற்றவாளிகளை பிடிக்க வெளிநாட்டில் வலை விரிப்பு
கொலை, கற்பழிப்பு, கொள்ளை, போதைவஸ்து கடத்தல் போன்ற பலதரப்பட்ட படுபயங்கரமான குற்றச் செயல்களை செய்து பொலிசாரின் கண்களில் மண்ணை தூவி விட்டு தலைமறைவாகிய 2000ற்கும் மேற்பட்டவர்கள் நாட்டைவிட்டு, சட்டவிரோதமாக தப்பியோடி விட்டதாக பொலிஸ் உயர் அதிகாரி ஒருவர் அறிவித்தார்.

இந்த குற்றவாளிகளை கண்டுபிடித்து மீண்டும் இலங்கைக்கு நாடு கடத்தப்படும் போது, பொலிஸ் மா அதிபர் சர்வதேச அமைப்பான இன்ரபோலுக்கு வேண்டுகோள் விடுத்துள்ளார்.

இந்த குற்றவாளிகள் போலிக் கடவுச்சீட்டுக்களைப் பயன்படுத்தியும், மீன்பிடி படகுகளின் உதவியுடனும் வெளிநாடுகளுக்கு தப்பிச் சென்றிருப்பதாக பொலிசார் கூறுகிறார்கள்.

இந்த குற்றவாளிகள் உள்ளூரில் செல்வாக்கு மிக்க கொள்ளை கோஷ்டிகளின் தலைவர்களாக அல்லது முக்கியஸ்தர்களாக இருந்து தேர்தல் காலத்தில் பல அரசியல்வாதிகளுக்கு பண உதவி செய்தும் தங்கள் குண்டர்கள் மூலம் வன்முறைகளுக்கு உதவி செய்தும் இருந்திருப்பதாகவும், அதனால் அவர்கள் சில அரசியல்வாதிகளின் உதவியுடன் வெளிநாடுகளுக்குத் தப்பிச் சென்றிருக்கலாம் என்றும் பொலிசார் கூறுகிறார்கள்.

இந்த குற்றவாளிகளில் சிலர் இப்போது வெளிநாடுகளில் இன்ரபோல் பொலிசாரின் உதவியுடன் கைது செய்யப்பட்டிருப்பதாகவும், அவர்கள் விரைவில் இங்கு அழைத்துவரப்படுவார்கள் என்றும் பொலிசார் கூறுகிறார்கள்.

இவர்களின் பலர் பாதாள உலகைச் சேர்ந்த படு பயங்கரமான கொலையாளிகள் என்றும் பொலிசார் தெரிவித்தனர்.