செக் பவுன்ஸ் குற்றவாளி விடுதலை

செக் திரும்பி வந்த வழக்கில், பாதிக்கப்பட்டவர் குற்றவாளியை மன்னித்ததை தொடர்ந்து,
6 மாதமாக சிறையில் இருந்த அவரை உடனடியாக விடுதலை செய்ய உயர் நீதிமன்றம் உத்தரவிட்டது.



டெல்லியைச் சேர்ந்தவர் அசோக் குமார். இவருக்கு பணம் தர வேண்டிய சுனில் காஷ்யப் என்பவர், அதற்கான செக்கை அளித்தார். ஆனால், அது வங்கியில் பணம் இல்லாமல் திரும்பி வந்தது. இதையடுத்து அவர் மாஜிஸ்திரேட் நீதிமன்றத்தில் வழக்கு தொடர்ந்தார். இந்த வழக்கை விசாரித்த மாஜிஸ்திரேட், சுனில், காஷ்யப்புக்கு 6 மாத சிறை தண்டனை மற்றும் ரூ.5.5 லட் சத்தை அசோக் குமாருக்கு அளிக்க உத்தரவிட்டார்.இதை எதிர்த்து செசன்ஸ் நீதிமன்றத்தில் சுனில் காஷ்யப் முறையீடு செய்தார். ஆனால், கீழ் நீதிமன்றத்தின் தீர்ப்பை நீதிபதி உறுதி செய்தார். இதையடுத்து அவர் திகார் சிறையில் அடைக்கப்பட்டார். இந்நிலையில், தீர்ப்பை எதிர்த்து மீண்டும் உயர் நீதிமன்றத்தில் முறையீடு செய்யப்பட்டது. நீதிபதி அஜித் பாரிஹோகே வழக்கை விசாரணை செய்தார்.இதற்கடையே, அசோக் குமார் சார்பில் உயர் நீதிமன்றத்தில் ஒரு மனு ஒன்று தாக்கல் செய்யப்பட்டது. அதில், “சுனில் காஷ்யப்பின் வீட்டுக்கு சென்று பார்த்தேன். அங்கு அவர்களது குடும்பம் கடுமையான வறுமையில் உள்ளது. அவரால் நீதிமன்றம் உத்தரவிட்ட 5.5 லட்சம் தர முடியாத சூழலில் உள்ளார். இதனால் அவர் மீதான குற்றச்சாட்டை திரும்ப பெற்றுக் கொள்ள தயாராக உள்ளேன்” என்று கூறியிருந்தார். மனுவை விசாரித்த நீதிபதி, “குற்றவாளியை மன்னிக்க அசோக் குமார் முன்வந்துள்ளதாலும், அவரிடம் இருந்து அபராதத் தொகையை நிர்ப்பந்திக்க விரும்பவில்லை என்றும் அவர் கூறியுள்ளதால், உடனடியாக திகார் சிறையில் இருந்து சுனில் காஷ்யப்பை விடுதலை செய்யவேண்டும்” என்று உத்தரவிட்டார்.

மனிதாபிமானமுள்ள ஆள் ...