ஊழித் தீர்ப்பு நாள் கடிகாரம் ஒரு நிமிடத்தால் முன்னகர்வு

உலகப் பேரனர்த்தம் எற்படும் நடுநிசிக்கு இன்னும் 5 நிமிடங்கள்
ஊழித்தீர்ப்பு நாள் கடிகாரம் ஒரு நிமிடத்தால் முன்னகர்த்தப்பட்டுள்ளது. இதன்மூலம் இந்த கடிகாரம் நடுநிசியை எட்டுவதற்கு 5 நிமிடங்கள் எஞ்சியுள்ளன.

சிக்காகோ பல்கலைக்கழக அணு விஞ்ஞானிகளால் அமைக்கப்பட்ட இந்த ஊழித்தீர்ப்பு நாள் கடிகாரம் கடந்த இரண்டு ஆண்டுகளில் நகர்த்தப்படு வது இது முதல் முறையாகும். நேற்று முன்தினம் நடந்த ஊடக மாநாட்டில் இந்த கடிகாரம் ஒரு நிமிடத்தால் முன்ன கர்த்துவது குறித்து மேற்படி அணு விஞ்ஞானிகள் அறிவித்தனர். சர்வதேச அளவில் ஆபத்தான நகர்வுகள் முன்னெடு க்கப்பட்டுள்ள நிலையில் இந்த மாற்றம் செய்யப்பட்டுள்ளது.

குறிப்பாக ஜப்பானில் ஏற்பட்ட சுனாமி அனர்த்தத்தை தொடர்ந்து புகுஷிமா அணு உலையில் ஏற்பட்ட சேதம் ஈரானின் யுரேனியம் செறிவூட்டல் மற்றும் அணு ஆயுத நாடான வட கொரியாவின் தலைவர் மரணத்தை தொடர்ந்து அவரது மகன் கிம்ஜொங் உன் புதிய தலைவராக பதவி ஏற்பு போன்ற காரணங்களால் உலகப் பேரழிவுக்கு வாய்ப்பு ஏற்பட்டுள்ளதாக இந்த அணு விஞ்ஞானிகள் குழு குறிப்பிட்டுள்ளனர். எனினும் கடந்த 2010ம் ஆண்டு இந்த ஊழித்தீர்ப்பு நாள் கடிகாரம் ஒரு நிமிடத்தில் பின்னகர்த்தப்பட்டது.

சர்வதேச நாடுகளுக்கு இடையில் கால நிலை மாற்றம் மற்றும் அரசியல் நெருக்கடிகள் குறித்து உடன்பாடு எட்டப்பட்டதைத் தொடர்ந்தே கடிகாரம் ஒரு நிமிடத்தால் பின்னகர்த்தப்பட்டது. எனினும் இந்த உடன்பாடுகள் தற்போது செயலிழந்து விட்ட நிலையில் கடிகாரம் ஒரு நிமிடத்தால் முன்னகர்கிறது என சிக்காக்கோ பல்கலைக்கழக அணு விஞ்ஞானிகள் அமைப்பின் தலைவர்

அலிசன் மக்பார்லன் குறிப்பிட்டுள்ளார். ஊழித்தீர்ப்பு நாள் கடிகாரம் முதலாவது அணு ஆயுத உற்பத்திக்கு உதவிய விஞ்ஞானிகளால் 1947 ம் ஆண்டு அமைக்கப்பட்டது. பேரனர்த்தம் ஒன்று ஏற்படுவதற்கான அடையாளமாகவே இக்கடிகாரம் அமைக்கப்பட்டது. நடுநிசிக்கு 7 நிமிடங்கள் வைத்து அமைக்கப்பட்ட இந்த கடிகாரம் இது வரை 20 தடவைகள் நகர்த்தப்பட்டுள்ளது. இதில் கடிகாரம் நடுநிசியை எட்டும் போது உலகில் பேரனர்த்தம் ஒன்று ஏற்படும் என மேற்படி விஞ்ஞானிகள் கணிக்கின்றனர்.

நான் சின்ன வயசுல இருந்து இது போல நிறைய கேள்விப்பட்டிருக்கேன்

என்ன இது...?
புதுசா இருக்கு
இன்னும் விளக்கம் தெரிந்தவர்கள் சொலுங்கோ...!