ஈரானில் இஸ்லாமிய புரட்சி நினைவு தினத்தையொட்டி பாரிய பேரணி

ஈரானில் இஸ்லாமிய புரட்சி நினைவு தினத்தையொட்டி பாரிய பேரணி




ஈரான் இஸ்லாமிய புரட்சியின் 34 ஆவது ஆண்டு நிறைவு வைபவம் நேற்று இடம்பெற்றது.
இதனையொட்டி ஆயிரக் கணக்கான ஈரானியர்கள் ‘அமெரிக்கா ஒழிக’ என்ற கோஷத்துடன் தலைநகரை
நோக்கி ஊர்வலமாக வந்தனர்.
அமெரிக்க ஆதரவு பெற்ற ஷா மன்னரை ஆட்சியிலிருந்து கவிழ்த்தே ஈரானிய புரட்சி
இடம்பெற்றது.
ஈரான் கொடி மற்றும் புரட்சித் தலைவர் அயதுல்லா ரூஹ¥ல்லா கொமனியின் புகைப்படத்தை
ஏந்தியவாறு ஆயிரக் கணக்கானோர் தலைநகர் தெஹ்ரானில் கூடினர்.

இதில் அரசு அனுசரணையில்
நேற்று இடம்பெற்ற பேரணியில் அசாத் சதுக்கத்தில் மக்கள் கூடினர். இதன்போது
கூடியிருந்த மக்கள் ‘அமெரிக்கா ஒழிக’ போன்ற கோஷங்களையும் எழுப்பினர்.
இதில் பங்கேற்ற ஈரான் ஜனாதிபதி மஹ்மூத் அஹ்மதினஜாத் கூடியிருந்த மக்களை நோக்கி,
‘ஈரான் தற்போது அணு ஆயுத நாடு’ என அறிவித்தார்.
அத்துடன் நாட்டின் உண்மையான
சீர்திருத்தத்திற்கு மேற்கு நாடுகள் தடங்கலாக செயற்படுவதாகவும் அவர் குற்றம்
சாட்டினார். இஸ்லாமிய புரட்சியை ஒட்டி நாடு பூராகவும் இவ்வாறான பேரணிகள் இடம்பெற்றது.

குறிப்பாக ஈரானின் மிகப் பெரிய மாகாணங்களின் தலைநகர்களான மஷாத், இஸ்பஹான், ஷிராஸ்
மற்றும் செர்மானிலும் பாரிய பேரணிகள் இடம்பெற்றன.
ஈரானின் அணு செயற்பாடுகளுக்கு எதிராக மேற்கு நாடுகள் கடும் தடைகளை விதித்துள்ள
நிலையிலேயே இந்த பேரணிகள் இடம்பெறுகின்றமை குறிப்பிடத்தக்கது.
நன்றி தினகரன்