காதணி விழா விருந்தில் கூடுதல் கறி கேட்டவரின் காது கடித்து எடுக்கப்பட்டட்து!

திண்டுக்கல்: திண்டுக்கல் மாவட்டம் வத்தலகுண்டு அருகே காது குத்து விழாவில் உணவின் போது கூடுதலாக கறி கேட்டவர் காது கடித்து குதறப்பட்ட சம்பவம் அத விழாவில் பரபரப்பை ஏற்படுத்தியது.

வத்தலகுண்டு மேல அச்சனம்பட்டியை சேர்ந்தவர் கணேஷ். இவர் தனது மகளுக்கு காதணி விழாவை நேற்று நடத்தினார். காதணீ விழா முடிந்தது அனைவருக்கும் கறி விருந்து வழங்கப்பட்டது. இந்த விருந்தில் அதே பகுதியை சேர்ந்த அம்மையாண்டி என்பவரும் கலந்துக் கொண்டார்.

அம்மையாண்டி பந்தியில் இலையில் சோறுடன் அமர்ந்திருக்க, கோதராஜ் என்பவர் ஒவ்வொரு இலையிலும் கறியை வைத்துக் கொண்டு வந்தார். அம்மையாண்டி இலையில் வைக்கும் போது கறியின் அளவு குறைந்திருக்கிறது. அக்கம் பக்கத்து இலைகளை திரும்பி பார்த்து ஆத்திரப்பட்டிருக்கிறார். உடனே கோதராஜை அழைத்து, ஏன் என் இலையில மட்டும் கறியை கம்மியா வெச்சிருக்க இன்னும் கொஞ்சம் வையப்பா என்று சத்தம் போட்டுள்ளார்.

இதில் கோபமடைந்த கோதராஜ், வெச்சதை முதல்ல தின்னு.. அப்புறம் பாக்கலாம் என சொல்லி இருக்கிறார். இது இருவருக்குமிடையே வாய்தகராறில் ஆரம்பித்து கட்டி புரண்டு சண்டை போடுமலவுக்கு போயுள்ளது. இந்த சண்டையில் அம்மையாண்டியின் வலது காதை கோதராஜ் கடித்து தனியாக பிய்த்து எடுத்து விட்டார்.

வலியால் துடித்து கொண்டிருந்த அம்மையாண்டியிடம், இன்னும் கொஞ்சம் கறி கேட்டயில்ல இந்தா தின்னு‘ என்றபடியே காதை கொடுத்து விட்டு தப்பியோடி விட்டார் கோதராஜ். அம்மையாண்டி காதை எடுத்துக் கொண்டு விருவீடு போலீஸ் ஸ்டேசன் சென்று ஒரு புகாரை எழுதிக் கொடுத்து விட்டு, தனது காதை ஒட்ட உசிலம்பட்டி அரசு மருத்துவமனைக்கு சென்றிருக்கிறார். அங்கே காதை ஒட்ட வைக்க முடியாது என மருத்துவர்கள் சொல்லவும், மனம் தளராமல் துண்டான காதை எடுத்துக் கொண்டு மதுரை அரசு பொதுமருத்துவமனையில் சிகிச்சைக்காக சேர்ந்திருக்கிறார் அம்மையாண்டி.

அட நன்னாரிப்பயலே

.#