கோபத்தில் வெற்றி கொள்வது எப்படி?

by *சம்ஸ் Fri 9 Aug 2013 - 15:44

பிறரிடம் குற்றம் குறை இருப்பினும் மன்னிக்கும் பாவனை வேண்டும். அதே சமயம், மற்றவர் எந்த சூழ்நிலை காரணமாகத் தவறு செய்கிறார் என்பதை ஆலோசித்து அவர் மீது இரக்கம் காட்டுவதன் மூலம் கோபம் குறையும். மற்றவர் தன்னை உணர வாய்ப்பளிக்க வேண்டும். இதனால் இருவருமே தீமையிலிருந்து விலகியிருக்க முடியும்.

மாறாக கோபப்படுவதால் பாதிப்பே ஒழிய, வாழ்க்கையில் மிஞ்சப்போவது ஒன்றுமில்லை. என்பதில் தெளிவாக இருக்க வேண்டும்.

1.ஒருவர் அடிக்கடி தவறு செய்து கொண்டேயிருக்கின்றார், இதனால் கோபம் வரு கிறது. நாம் கோபப்படுவதால் நாம் என்ன எதிர் பார்க்கிறோம் என்பதை அவரால் (உ-ம் குழந்தைகள், வேலையாட்கள்) கிரஹிக்க முடியாமல் இருக்கலாம். இதனால் அவர் செய்யும் தவறுகள் அதிகரிக்கக்கூடும். அன்புடன் அறிவுரை சொல்வதன் மூலம் அவரிடமிருக்கும் கிரஹிக்கும் சக்தி அதிகரிக்கும் வாய்ப்புண்டு. பயமுறுத்தக்கூடாது.

2. யாராவது நம்மை அவமானப்படுத்துகிறார்கள், அப்பொழுது நாம் நமது உயர்வான ஆத்ம நிலையில் இருக்க வேண்டும். இதனால் நாம் பாதிக்கப்படாமல் இருப்போம். மேலும் தவறாக நடந்தவர், திருந்தி நம்மைப் புரிந்து கொண்டு மரியாதை செய்யக் கூடும். தன்னிலை பிறழாதிருக்க வேண்டும்.

இவ்வாறின்றி கோபக்காரர்களோடு வாதிட ஆரம்பித்தால் அந்த பலவீனம் நம்மையும் தொற்றிக் கொள்ள வாய்ப்புண்டு. ஆதலால் நன்மையை நாடும், எவரும் மௌனம் சாதிப்பதே மேலானது. அக்னியை குளிர்ந்த நீரால் அணைப்பது போல கவனத்தோடிருந்தால் கோப அக்னியை நிச்சயமாக நிரந்தரமாகவே குளிரச் செய்து விட முடியும். சினமின்றி இணக்கத்துடன் வாழ்ந்தால் சினேகத்துடன் இதயங்கள் இணைந்து விடுமே! புன்னகையுடன் புரிந்து நடந்தால் புவியும் பொலிவுடன் பொன்னுலகாகுமே!