அறிவிக்கப்பட்ட மின்வெட்டும் அறிவிக்கப்படாத அரிவாள் வெட்டும்!

தமிழகத்தில் தற்பொழுது அறிவிக்கப்பட்ட மின்வெட்டும் அதனைப் பயன்படுத்தி அறிவிக்கப்படாத அரிவாள்வெட்டும் அமுலில் உள்ளதோ எனக் கருத வேண்டியுள்ளது.



மற்ற மாநிலங்களில் எத்தனை மணிநேரம் மின்வெட்டு இருக்கிறதோ அந்தளவிற்குத்தான் தமிழகத்தில் மின்சாரம் உள்ளது என்பது பாரமர்களுக்குக் கூட தெரியும்.

மின்சாரம் இல்லா கற்காலத்தை நோக்கி மெல்ல மெல்ல நகர்ந்து கொண்டிருக்கிறது தமிழகம். தமிழகப் பயன்பாட்டுக்கென மின்உற்புத்தி செய்யும் வடசென்னை அனல்மின்திட்டம் 1990ல் துவங்கப்பட்டது. 1996 ஆம்ஆண்டில் செயல்படத்துவங்கிய இந்தத் திட்டத்தின் மூன்றாவது அலகு உற்பத்தி செய்யும் 210 மெகாவாட்தான் இன்று வரை தமிழக மின்தேவையைப் பூர்த்தி செய்து கொண்டுவருகிறது.

2007 ம் ஆண்டு துவங்கப்பட்ட 1,800 மெகாவாட்டுக்கான திட்டமும் இனிமேல்தான் உற்பத்தியை தொடங்கவேண்டும். அரசின் அறிக்கைப்படி தமிழகத்தின் மொத்த மின்தேவை 12,000 மெகாவாட் எனவும் தற்போதைய உற்பத்தி சுமார் 8000 மெகாவாட் எனவும் பற்றாக்குறை சுமார் 4,000 மெகாவாட் என்றும் அறியப்படுகிறது. மொத்தத்தில் தேவையில் ஒரு பகுதி மட்டுமே பற்றாக்குறை ஏற்பட்டுள்ளது.

கடந்த மார்ச்-மே மாதத்திலேயே உற்பத்தி நிலைக்குத் தயாரான வல்லூர் 500 மெகாவாட் நிலையமும், மேட்டுர் 600 மெகாவாட் நிலையமும், தூத்துக்குடி இரண்டாவது அலகான 500 மெகாவாட் உற்பத்தி நிலையம், எண்ணூர் திட்டம் 600 மெகாவாட் என எந்த திட்டத்தையும கடந்த தி.மு.க.அரசு செயல்படுத்தவில்லை. விளைவு 50 சதவிகிதம் மின்வெட்டு அப்போதே அமலுக்கு வந்ததது.

மின்வாரியம் லாபத்திலும் இயங்கவில்லை. கடந்த 2003-2004 ஆம் ஆண்டே 53,298 கோடி நஷ்டத்தை எட்டியுள்ளது. தற்பொழுது மின்சாரம் புதிய பொருளாதார கோட்பாட்டின்படி 35 சதவிகிதம் சுயஉற்பத்தியும், 30 சதவீதம் மத்திய தொகுப்பு மின்சாரமும், 35 சதவிகிதம் தனியார் கொள்முதல் மின்சாரமும் தான் நடைமுறையில் உள்ளது.

இவற்றையெல்லாம் விட ஆசியக்கண்டத்திலேயே காற்றாலை வளம் தனியாருக்கு தாரை வார்க்கப்பட்டது இந்தியாவில்தான். இதன் மூலம் 2.80 பைசாவுக்கு வாங்கவேடிண்டிய மின்சாரத்தை அரசே 5.05 முதல் 6.70 வரை விலை கொடுத்து வாங்குகிறது. மறைமுகமாக தனியாருக்கு தாரை வார்க்கப்பட்டதன் விளைவு.

இது போதாது என எண்ணி கடற்கரையில் 10 சதவீதத்தை தனியாருக்கு தாரை வார்த்து 18,145 மெகாவாட் மின்சாரத்தை தமிழக அரசு அனுமதித்துள்ளது கேள்வி கேட்கப்படவேண்டிய விஷயம். இருக்கும் மின்சாரத்தை தனியாருக்கு தாரை வார்த்துவிட்டு ஓட்டுபோட்ட மக்களை இருளில் திணறடித்து வருகிறது அரசு. இதனால் தமிழகத்தில் அறிவிக்கப்பட்ட மின்வெட்டும் அந்த மின்வெட்டை பயன்படுத்தி அறிவிக்கப்படாத அரிவாள் வெட்டும் அமுலில் உள்ளது! இந்நிலை மாறவில்லையேல், தமிழகம் கற்காலத்தை நோக்கி நகரும் நாட்களும் வெகுதொலைவில் இல்லை என்றே தோன்றுகிறது!

- வைகை அனிஷ், 9715-795795​