அமைச்சர் ஜோன் செனவிரட்ன கிழக்கு மாகாணத்துக்கு விஜயம்

அமைச்சர் ஜோன் செனவிரட்ன கிழக்கு மாகாணத்துக்கு விஜயம்
அரச நிர்வாக கட்டடங்கள் பலவற்றை திறந்து வைப்பார்
லோரன்ஸ் செல்வநாயகம்
கிழக்கு மாகாணத் திற்கான இரண்டு நாள் உத்தியோக பூர்வ விஜயத்தினை மேற்கொள்ளும் பொது நிர்வாக உள்நாட்டலுவல்கள் அமைச்சர் ஜோன் செனவிரத்ன இன்று வாகரையிலும் மட் டக்களப்பிலும் 68 மில்லியன் ரூபா செலவில் புதிதாக நிர்மாணிக்கப்பட் டுள்ள அரச நிர்வாகக் கட்டடங்களைத் திறந்து வைக்கவு ள்ளார்.

குவைத் அரசாங் கத்தின் நிதியுதவி யுடன் வாகரையில் 21 மில்லியன் ரூபா நிதியில் நிர்மாணிக்கப்பட்டுள்ள வாகரை பிரதேச செயலாளர் அலுவலகக் கட்டடத்தை இன்று காலை உத்தியோகபூர்வமாகத் திறந்து வைக்கவுள்ள அமைச்சர், அதனையடுத்து பிரதேச மக்களின் அனைத்துத் தேவைகளையும் நிறைவேற்றும் வகையில் புதிதாக நிர்மாணிக்கப்பட்டுள்ள ‘சேவா பியச’ அரச சேவை நிலையத்தை ஆரம்பித்து வைப்பார்.

இன்று பிற்பகல் மட்டக்களப்பு நகருக்கு விஜயம் செய்யும் அமைச்சர் ஜோன் செனவிரத்ண மட்டு அரசாங்க அதிபர் அலுவலகத்தில் அரச அதிகாரிகளுடன் கலந்துரையாடிய பின்னர் மட்டக்களப்பில் புதிதாக நிர்மாணிக்க்பபட்டுள்ள அரச நிர்வாகக் கட்டடத்தை உத்தியோகபூர்வமாகத் திறந்து வைக்கவுள்ளார்.

அதனையடுத்து மட்டக்களப்பு மாவட்டச் செயலாளர் அலுவலக உத்தியோகத்தர்களுக்காக மட்டக்களப்பில் புதிதாக நிர்மாணிக்கப்பட்டுள்ள விடுதிக் கட்டடத்தையும் அமைச்சர் திறந்து வைப்பார்.

நாளை 2ம் திகதி மட்டக்களப்பு மாவட்டத்தில் அரசாங்கத்தினால் மேற்கொள்ளப்பட்டு வரும் அபிவிருத்தித் திட்டங்களைப் பார்வையிடும் அமைச்சர் கல்லடியில் ஏற்பாடு செய்யப்பட்டுள்ள மாவட்ட பிரதேசசசெயலாளர்கள் மற்றும் கிராம சேவகர்களுக்கான விழிப்புணர்வு மாநாட்டிற்கும் தலைமை தாங்கவுள்ளார்.

அத்துடன் மட்டக்களப்பு மாவட்டத்தில் அரச சேவைகளில் நிலவும் குறைபாடுகள், ஆளணி பற்றாக்குறை சம்பந்தமாக சம்பந்தப்பட்ட உயரதிகாரிகளுடன் பேச்சுவார்த்தைகளை மேற்கொள்ளாராரென அமைச்சின் உயரதிகாரியொருவர் தெரிவித்தார்.