முதல்வருக்கு வெடிகுண்டு மிரட்டல் விடுத்தவர் கைது

தமிழக முதல்வர் ஜெயலலிதாவுக்கு வெடிகுண்டு மிரட்டல் விடுத்த காஞ்சிபுரத்தை சேர்ந்த நபரை போலீஸôர் கைது செய்துள்ளனர்.
சென்னை காவல்துறை கட்டுப்பாட்டு அறை கைபேசிக்கு ஒரு எஸ்.எம்.எஸ். வந்தது. அதில் தமிழக முதல்வரின் உயிருக்கு ஆபத்தை ஏற்படுத்தும் வகையில் வாசகங்கள் இடம் பெற்றிருந்தன. மேலும் அதில் தலைமைச் செயலகத்துக்கும் வெடிகுண்டு மிரட்டலும் விடுக்கப்பட்டிருந்தது.
இதையடுத்து, இந்த மிரட்டல் எஸ்.எம்.எஸ். குறித்து விசாரிக்க சென்னை மாநகர காவல்துறை ஆணையர் ஜே.கே. திரிபாதி உத்தரவிட்டார். இதன் பேரில் மத்திய குற்றப்பிரிவு சைபர் கிரைம் பிரிவு போலீஸôர் தீவிர விசாரணையில் ஈடுபட்டனர்.

விசாரணையில் மிரட்டல் விடுக்கப்பட்ட செல்போன் எண் திருச்சி முகவரியை சேர்ந்தது என்பது தெரியவந்தது. இது தொடர்பாக திருச்சியில் விசாரித்த போது அந்த முகவரியில் குறிப்பிட்ட நபர் யாருமில்லை என்பதும், அது போலியான முகவரி என்பதும் கண்டறியப்பட்டது.

பிறகு தகவல் தொழில்நுட்ப உதவியுடன் போலீஸôர் கண்காணிப்பு பணியை முடுக்கி விட்டனர். இதில் மிரட்டல் விடுத்த நபர் காஞ்சிபுரம் அச்சரப்பாக்கத்தை சேர்ந்த யோகேஸ்வரன் என்பதை போலீஸார் உறுதி செய்தனர். அவரை பிடித்து விசாரணை செய்ததில், அவர் தனியார் கல்லூரியில் விரிவுரையாளராக பணிபுரிந்து பணி நீக்கம் செய்யப்பட்டவர் என்பது தெரியவந்தது. பணி நீக்கம் செய்ய காரணமாக இருந்த கல்லூரி ஊழியர் ஒருவரை பழிவாங்கவே அக்கல்லூரியின் புகைப்படத்தை ஆதாரமாக காட்டி அந்த சிம் கார்டை வாங்கி மிரட்டல் எஸ்.எம்.எஸ் அனுப்பியதாகவும் ஒப்புக் கொண்டார். போலீஸார் அவரை கைது செய்து விசாரணை நடத்தி வருகின்றனர்.

வஞ்சகம் தீர்க்க இப்படி ஒரு ஏற்பாடா?
அநியாம் {))

{)) {)) {))

தன்வினை தனை சுடும் .