கண்ணீரில் நனையும் ஆடுகள்

by **அப்துல்லாஹ்** Thu 4 Aug 2011 - 13:39

பொழுதுகள் எப்போதும் பொல்லாப்புடன் கழிய
புண்பட்ட மனசு மட்டும் புரவிஏறிப் பறக்கிறது
ஆற்று நிரோட்டத்தில் அலைக்கழிந்த சருகினைப்போல்
அமைதிஇழந்த நானும் அடைவதெங்கே தெரியவில்லை ...

கண்முன்னே புன்னகைத்து கைகுலுக்கி கண்மகிழ்ந்து
களிக்கும் உறவுகளின் கண்பார்வை காசுநோக்கி
ஐம்பதின் வாலிபமும் அதன்வழி அனுபவமும்
கடல்தாண்டி மனசுக்குள் கண்டதெல்லாம் ஏமாற்றமே

மாதம் பிறந்துவிட்டால் பெற்றோரும் உற்றோரும்
பெண்ணவளும் பிள்ளை களுக்குமாய் சேர்த்து
கண்ணைப் போல கருதுவது காசு ஒன்றைத்தான்
கருவியாய் பறக்கும் அது அன்பின் அடையாளமாய்

சோலையில் என்சொந்தம் சுகப்பட்டு வாழவேண்டி
பாலையில் நானும் பகலிரவாய் காய்கின்றேன்
ஈச்சை மரமேறி என்னுடம்பின் காய்ப்புகளை
இனிக்கும் அதன் கனிகள் ஒருபோதும் காட்டாது

நோய்நொடி அண்டாது என்னுறவை நான் காக்க
சாய்ந்திடும் பொழுது வரை சம்மதித்து பணிசெய்வேன்
சேர்த்திடும் மணித்துளிகள் சேர்ந்திடும் வரும்படியாய்
சோர்ந்திடும் வேளைகளில் சுகமளிப்பது அதுதானே

கூடி உறவுற்று களிப்புடனே நான் வாழ
கோடி ஆசையுண்டு குன்றுபோல் என்மனதில்
ஆடுமென் ஆட்டம் நின்றால் அச்சாணி கழன்றுவிட்டால்
வாடி நிற்கும் உயிர்களுக்கு வழி யார் காட்டுவது?

ஆடை புதுநகைகள் அத்தனைக்கும் ஆசைப்பட்டு
அன்பு உறவுகளை அயல்தேசம் அனுப்புகிறார்

ஒன்று தெரியுமா...

பாகிஸ்தானியும் பெங்காலியுமஎன் பாசமான உறவுகள்
மலையாளியும் மதராசியும் நேசமுள்ள தோழர்கள்

சிக்கன் டிக்காவும் குப்புஸ் ரொட்டியும்
சிக்பிசும் டப்பாவில் செத்த மீன்கறியும் இங்கே

கொளஞ்ச சோத்துக்கும் கொளத்து மீன்கறிக்கும்
கொஞ்சம் ஏங்குது மனசு ...கொஞ்ச நேரம் தான் ....

பொழுதுகள் எப்போதும் பொல்லாப்புடன் கழிய
புண்பட்ட மனசு மட்டும் புரவிஏறிப் பறக்கிறது
ஆற்று நிரோட்டத்தில் அலைக்கழிந்த சருகினைப்போல்
அமைதிஇழந்த நானும் அடைவதெங்கே தெரியவில்லை

by **நண்பன்** Thu 4 Aug 2011 - 13:54

எந்த வரிளென்று சொல்ல
அனைத்து வரிகளும் மனதின் வலிகள்
பாலைவனத்தில் பாடுபடும் ஒரு ஏழைப்பிறவியின் குமுறல்

மாதம் பிறந்துவிட்டால் பெற்றோரும் உற்றோரும்
பெண்ணவளும் பிள்ளை களுக்குமாய் சேர்த்து
கண்ணைப் போல கருதுவது காசு ஒன்றைத்தான்
கருவியாய் பறக்கும் அது அன்பின் அடையாளமாய்

சோலையில் என்சொந்தம் சுகப்பட்டு வாழவேண்டி
பாலையில் நானும் பகலிரவாய் காய்கின்றேன்
ஈச்சை மரமேறி என்னுடம்பின் காய்ப்புகளை
இனிக்கும் அதன் கனிகள் ஒருபோதும் காட்டாது

மிகவும் அருமையாக உண்மை வரிகளை
அனுபவித்தது போல் வரைந்துள்ளீர்கள்
அன்பு கவியே வாழ்த்துக்கள்
இரு முறை படித்தேன்
#heart #heart

by **Atchaya** Thu 4 Aug 2011 - 13:55

அமைதிஇழந்த நானும் அடைவதெங்கே தெரியவில்லை
சேனையில் நுழைந்திட்டால், எல்லாம் பறந்து போகும்....கொஞ்ச நேரம் இளைப்பாறி, பதிவுகளா தந்து அசத்துங்க....
கவிதை அருமை.... :!+:

by **kalainilaa** Thu 4 Aug 2011 - 13:57

பாகிஸ்தானியும் பெங்காலியுமஎன் பாசமான உறவுகள்
மலையாளியும் மதராசியும் நேசமுள்ள தோழர்கள்
புண்பட்ட மனசு மட்டும் புரவிஏறிப் பறக்கிறது
ஆற்று நிரோட்டத்தில் அலைக்கழிந்த சருகினைப்போல்
அமைதிஇழந்த நானும் அடைவதெங்கே தெரியவில்லை

புலம்ல்களில் உண்மை வெளிச்சம்!
அச்சம் தீர்க்கும் கனவுகளில் விடை தெரிந்தும் தெரியாத நிலை ,சொல்லும் அழகு வரிகள் .பாராட்டுக்கள் தோழரே.

by **நேசமுடன் ஹாசிம்** Thu 4 Aug 2011 - 13:58

உணர்ந்த வலிகளை வரிகளாக்கி வெளிநாட்டு வாழ்க்கையின் வேதனைகளை விபரமாக்கி வடுக்களை விபரித்த வரிகள் உண்மை என்று ஒத்தோத மனம் நாடுகிறது பாராட்டுகள் தோழரே நன்றிகள்

by **kalainilaa** Thu 4 Aug 2011 - 14:01

mravi wrote:அமைதிஇழந்த நானும் அடைவதெங்கே தெரியவில்லை
சேனையில் நுழைந்திட்டால், எல்லாம் பறந்து போகும்....கொஞ்ச நேரம் இளைப்பாறி, பதிவுகளா தந்து அசத்துங்க....
கவிதை அருமை.... :!+:

@. @. @.

by Sponsored content

கண்ணீரில் நனையும் ஆடுகள்

கண்ணீரில் நனையும் ஆடுகள்

Re: கண்ணீரில் நனையும் ஆடுகள்

Re: கண்ணீரில் நனையும் ஆடுகள்

Re: கண்ணீரில் நனையும் ஆடுகள்

Re: கண்ணீரில் நனையும் ஆடுகள்

Re: கண்ணீரில் நனையும் ஆடுகள்

Re: கண்ணீரில் நனையும் ஆடுகள்