தேர்தல் சீர்திருத்தம் வேண்டும்; விவசாய நிலப்பிரச்சினைக்காகவும் போராட்டம் நடத்துவேன்- அன்னாஹசாரே அறிவ

புதுடெல்லி, ஆக.21-

ஊழல்வாதிகளை கடுமையாக தண்டிக்க வகை செய்யும் வலுவான விதிகளை கொண்ட `ஜன லோக்பால் சட்டம்' அமல்படுத்த வலியுறுத்தி அன்னா ஹசாரே உண்ணாவிரதம் இருந்து வருகிறார்.

திகார் சிறையில் மூன்று நாள் இருந்தபோது தொடங்கிய அவருடைய உண்ணாவிரதம், டெல்லி ராம்லீலா மைதானத்தில் நேற்று 5-வது நாளை எட்டியது. மைதானத்தில் கூடியிருந்த மக்கள் மத்தியில் நேற்று அவர் பேசினார். அப்போது, அன்னா ஹசாரே கூறியதாவது:-

நாம் ஏன் போராடுகிறோம்? அரசு கஜானாக்களில் உள்ள பணம் அனைத்தும் நம்முடையவை. ஆனால், அந்த கஜானாக்களுக்கு கொள்ளையர்களால் ஆபத்து கிடையாது. அந்த கஜானாக்களுக்கு யார் பாதுகாவலர்களாக இருக்கின்றனரோ? அவர்களால் தான் ஆபத்து ஏற்படுகிறது. எதிரிகளால் நாட்டுக்கு துரோகம் நேரிடவில்லை.

இதுபோன்ற துரோகிகளால் தான் நாடு பாதிக்கப்படுகிறது. கடந்த நான்கு நாட்களில் நான் மூன்றரை கிலோ எடை குறைந்து விட்டேன். கொஞ்சம் பலவீனமாகவும் உணருகிறேன். ஆனால், அதைப்பற்றி கவலைப்படவில்லை. வலிமையான லோக்பால் சட்டத்தை அடையும் வரை போராட்டம் நிறைவடையாது. இந்த நாட்டில் உள்ள அனைத்து இளைஞர்களிடமும் ஒன்று சொல்ல விரும்புகிறேன்.

லோக்பால் சட்டத்தை அடைந்தால் மட்டும் நம்முடைய போராட்டத்தை நிறுத்தி விடக்கூடாது. நாட்டில் தற்போதுள்ள தவறான தேர்தல் நடைமுறைகளை அகற்ற போராடுவோம். ஏனெனில், இந்த தவறான தேர்தல் நடைமுறையால் குற்றப்பின்னணி மற்றும் ஊழலில் ஈடுபட்டவர்களும் கூட தேர்தலில் வெற்றி பெறுகின்றனர்.

தற்போது, பாராளுமன்றத்துக்கு எம்.பி.க்களாக 150 கிரிமினல்கள் சென்றுள்ளனர். சிறையில் 4 மத்திய மந்திரிகள் இருக்கின்றனர். 64 ஆண்டுகள் நிறைவடைந்தும் உண்மையான சுதந்திரத்தை நாம் பெறவில்லை. அதே கொள்ளை, அதே சுரண்டல், அதே ஊழல், அதே ரவுடியிசம் இன்னும் தொடருகிறது. ஒரேயொரு வித்தியாசம் மட்டும் காணப்படுகிறது.

வெள்ளையர்களுக்கு பதிலாக கறுப்பர்கள் அந்த இடத்தை பிடித்துள்ளனர். இத்தகைய கொள்ளையர்களிடம் இருந்து தேசத்தின் சொத்துகளை பாதுகாக்க வேண்டிய கட்டாயம் ஏற்பட்டுள்ளது. இது மட்டுமல்ல, வலுக்கட்டாய நில அபகரிப்பால் பாதிக்கப்பட்டுள்ள விவசாயிகளின் உரிமைகளுக்காகவும் நாம் போராட வேண்டி உள்ளது.

விவசாயிகளின் நிலங்களை கையகப்படுத்துவதற்கு முன், கிராம பஞ்சாயத்துகளில் அனுமதியை பெறும் வகையிலான சட்டம் கொண்டு வரப்பட வேண்டும். நிலம் கையகப்படுத்துதலில் நிலவும் சங்கிலித் தொடர் ஊழலை தடுப்பது அவசியம். விவசாயிகளிடம் வலுக்கட்டாயமாக பறிக்கப்படும் நிலங்களை தொழிலாளர்களின் ரத்தத்தை உறிஞ்சும் நிறுவனங்களுக்கு அரசு வழங்குகிறது.

உற்பத்தியை அதிகரிக்காவிட்டால் வேலையை இழக்க நேரிடும் என தொழிலாளர்களை அந்த நிறுவனங்கள் மிரட்டுகின்றன. இதுவா ஜனநாயகம்? பணம் பண்ணுவதற்காக அனைவரும் ஒன்று சேர்ந்துள்ளனர்.

இவ்வாறு அன்னா ஹசாரே தெரிவித்தார்

அன்னா ஹசாரே என்பவன் ஒரு அயோக்கியன்

jasmin wrote:அன்னா ஹசாரே என்பவன் ஒரு அயோக்கியன்

உங்களுக்குப் புரிகிறது இளைஞர்களுக்கு புரியலயே பத்தாயிரம் பேர் கிளம்மபிட்டாங்க மஞ்ச கொடியுடன் {)) {))

இவர்கள் சங்பரிவார் இயக்கத்தை சேர்ந்தவர்கள் .....

இந்திய திரு நாட்டில் நிமிடத்திற்கு ஒரு வேடமெல்லாம் சகஜமப்பா.