உலகில் எழில்மிகு நகராக கொழும்பு மேம்படுத்தப்படும்

உலகில் எழில்மிகு நகராக
கொழும்பு மேம்படுத்தப்படும்




மர்லின் மரிக்கார்

உலகில் மிகவும் சிறந்த அழகான எழில்மிக்க நகராக கொழும்பு மாநகர் மேம்படுத்தப்படும்
என்று ஐக்கிய மக்கள் சுதந்திர முன்னணியின் பொதுச் செயலாளரும், அமைச்சருமான சுசில்
பிரேம ஜயந்த் நேற்றுத் தெரிவித்தார்.
கொழும்பு- 7லிலுள்ள மகாவலி நிலையத்தில் நடைபெற்ற செய்தியாளர் மாநாட்டின் போதே
அமைச்சர் சுசில் பிரேம ஜயந்த் மேற்கண்ட வாறு குறிப்பிட்டார். ஐ.ம.சு. முன்னணியின்
கொழும்பு மாநகர சபைக்கான மேயர் வேட்பாளர் மிலிந்த மொரகொடவின் கொள்கை கலந்துரையாடல்
வரைவை வெளியிடும் நிகழ்வில் கலந்துகொண்டு உரையாற்றும்போதே அவர் மேற்கண்டவாறு
கூறினார்.
இச் செய்தியாளர் மாநாட்டில் அமைச்சர் மேலும் கூறுகையில், கடந்த மார்ச் மாதம் முதற்
கட்டமாக 234 உள்ளூராட்சி சபைகளுக்குத் தேர்தல் நடைபெற்றது. இத்தேர்தலில் 205 சபைகளை
ஐ.ம.சு.மு வெற்றிபெற்று ஆட்சி அமைத்துள்ளது.
இதன் பின்னர் இரண்டாம் கட்டமாக 65 உள்ளூராட்சி சபைகளுக்குத் தேர்தல் நடைபெற்றது.
அவற்றில் 45 சபைகளை ஐ.ம.சு.மு வெற்றிபெற்று ஆட்சி அமைத் துள்ளது. இப்போது 23
உள்ளூராட்சி சபைகளுக்குத் தேர்தல் நடக்கவுள்ளது. இத்தேர்தலிலும் ஐ.ம.சு.மு அமோக
வெற்றி பெறும். அவற்றில் கொழும்பு மாநகர சபையும் அடங்கும்.
கொழும்பு மாநகர சபைக்கு செயல் திறன் மிக்கவரான மிலிந்த மொரகொட வையே மேயர்
அபேட்சகராக நிறுத்தியுள் ளோம். கொழும்பு மாநகரில் மாறும் வளர்ச்சியையும்,
சுபீட்சத்தையும் ஏற் படுத்துவதே எமது நோக்கம். கொழும்பு மாநகரை முழு உலகிற்குமான
முன்மாதிரி மிக்க நகராக மாற்றியமைப்போம். அதற்குத் தேவையான வேலைத் திட்டங் களை
அரசாங்கம் முன்னெடுத்து வரு கின்றது. இதன் பயனாக இச்சபையையும் எமது முன்னணியே அமோக
வெற்றிபெறும் என்றார்.
இச் செய்தியாளர் மாநாட்டில் அமைச்சர் டளஸ் அழகப் பெரும, பிரதியமைச்சர்கள் பைசர்
முஸ்தபா, லக்ஷ்மன் யாப்பா அபேவர்தன, பேராசிரியர் ரொஹான் சமரஜீவ ஆகியோர்
கலந்துகொண்டார்கள்.