சுவாச நோய்கள் தீர நன்றாக பாடுங்கள்

மூச்செடுப்பதில் சிரமம் என்பது நோயாளியின் நாளந்த வாழ்வைப் பாழடிக்கக் கூடிய சிரமமான நோயாகும். நாம் எந்த நேரமும் சுவாசித்துக் கொண்டே இருக்கிறோம்.ஆனால் அதை உணர்வதில்லை. அது இயல்பாக நடந்து கொண்டே இருக்கிறது. ஆஸ்த்துமா போன்ற நோய்கள் வரும் போது தான் சுவாசிப்பது சிரமம் என்பதை உணர்கிறோம். ஆனால் ஆஸ்த்துமா தணிந்ததும் சுவாசம் இலகுவாகிறது.

ஆனால் நாட்பட்ட சுவாசத் தடை நோய் Chronic obstructive pulmonary disease என்பது வெறுமனே மூச்செடுப்பதில் சிரமம் அல்ல. அது வர வர மோசமாகிக் கொண்டு போகும் ஒரு நோயாகும். அத்துடன் ஆஸ்த்துமாவின் வரட்சியான இருமல் போல் அல்லாது இருமும் போது நிறையச் சளி கொட்டும். ஆனால் ஆஸ்த்துமா போலவே நெஞ்சை அடைப்பது அல்லது இறுக்குவது போன்ற உணர்வையும் ஏற்படுத்தும்.

இது பொதுவாக புகைப்பவர்களிடையே தோன்றும் ஒரு நோயாகும். புகைத்தலைத் தவிர சுவாசப்பையை உறுத்தக் கூடிய பலவும் இந்நோய் வருவதற்குக் காரணமாகலாம். உதாரணமாக சூழல் மாசடைதல், வேறு புகைகள், இராசாயன மணங்கள், தூசி போன்றவையும் COPD ஏற்படுவதற்குக் காரணமாகலாம். இந் நோயுள்ளவர்களுக்கு சுவாசிப்பது என்பது பெரும்பாடாக இருக்கும்.

இந்த நோய்க்கு ஒரு சிறந்த வழி பாடுவது தான். பாடுதல் என்பது ஒரு நுணுக்கமான கலையாகும். இதனைச் செய்வதற்கு எமது சுவாசத் தொகுதியில் உள்ள தசைகளின் இயக்கத்தை துல்லியமாக நாம் நமது கட்டுப்பாடிற்குள் கொண்டு வருகிறோம்.

தன்னிச்சையாக இயங்கும் நமது சுவாசத் தொகுதியானது இதன் மூலம் நமது மனதின் கட்டுப்பாற்றிற்குள் வருகிறது. இயங்க மறுக்கும் அல்லது இறுகிப் போயிருக்கும் நமது சுவாசத் தொகுதித் தசை நார்கள் இசைவாக இயங்கும்.

31 பேரைக் கொண்ட சிறிய ஆய்வு தான் இது. 12 வாரப் பாடற் பயிற்சியின் பின் அத்தகைய நோயாளர்களின் சுவாசத்தில் முன்னேற்றம் காணப்பட்டதாம். 84 சதவிகிதமான நோயாளர்கள் இது ஆறுதல் அளிப்பதாகக் கூறினர். 64 சதவிகிதமானவர்கள் இது அசௌகரியமான பயிற்சியாக இல்லை என்றனர். மிகவும் முக்கியமான விடயம் 64 சதவிகிதமானவர்கள் தாம் இதனைத் தொடர்ந்து செய்யப் போவதாகத் தெரிவித்தனர்.

அவர்களது உடல் நலமும், சிரமமான சுவாசமும் தேறியதற்கு உளவியல் காரணங்களும் இருக்கக் கூடும். இசை கொடுக்கும் இதமான உணர்வுகளுக்கு அப்பால் தன்னால் முடியும் என்ற நம்பிக்கையை வளர்த்ததும் காரணமாக இருக்கலாம்.

காரணங்கள் எதுவாக இருந்தாலும் பாடுவது நல்லது. அது மன நிறைவைக் கொடுக்கும். மனச்சிறைகளிலிருந்து விடுபட உதவுகிறது. நோயைத் தணிக்கும் ஆற்றலும் இருக்கிறது.

பாடகர் ஷஹி அவர்கள் பல நாள் தேடலுக்குப்பிறகு இப்படி ஒரு கண்டு பிடிப்பை செய்தார் வாழ்த்துக்கள் ஷஹி பாடி அசத்துங்கள் எங்களால் முடியாது நாங்கள் பாடல் இருப்பது பலருக்கு நல்லது @.

நண்பன் wrote:பாடகர் ஷஹி அவர்கள் பல நாள் தேடலுக்குப்பிறகு இப்படி ஒரு கண்டு பிடிப்பை செய்தார் வாழ்த்துக்கள் ஷஹி பாடி அசத்துங்கள் எங்களால் முடியாது நாங்கள் பாடல் இருப்பது பலருக்கு நல்லது @.

நீங்களும் வாருங்கள் நண்பா நான் பாடுகிறேன் நீங்க ஆடுங்கள் :{:*): :{:*): :} :}