இந்தியாதான் விருப்பம்

by **நேசமுடன் ஹாசிம்** Sat 5 Nov 2011 - 13:12

ஐக்கிய அரபு எமிரேட்டில் உள்ளவர்களில், பெரும்பாலோர் இந்தியாவில் வெளிநாட்டு பயணம் மேற்கொள்ள விரும்புவதாக தெரிவித்துள்ளனர்.
ஐக்கிய அரபு எமிரேட்டில் தங்கியுள்ளவர்களில், பெரும்பாலோர் இந்தியாவைச் சேர்ந்தவர்கள். சமீபத்தில் "மாஸ்டர் கார்டு' நிறுவனம், இங்குள்ளவர்கள் எந்த நாட்டுக்கு சுற்றுலாச் செல்ல விரும்புகின்றனர் என்ற ஆய்வை நடத்தியது. 17 ஆயிரத்து, 620 பேரிடம் நடத்தப்பட்ட ஆய்வில், 63 சதவீதம் பேர் ஆசிய நாடுகளுக்கும், 38 சதவீதம் பேர் மத்திய கிழக்கு மற்றும் ஆப்ரிக்க நாடுகளுக்கும், 16 சதவீதம் பேர் ஐரோப்பிய நாடுகளுக்கும் சுற்றுப் பயணம் மேற்கொள்ள ஆசைப்படுவதாகக் கூறினர். மலேசியா, சிரியா, தாய்லாந்து செல்ல விரும்புவதாக தலா 12 சதவீதம் பேர் தெரிவித்துள்ளனர். இந்தியாவுக்கு பயணம் மேற்கொள்ள விரும்புவதாக, 25 சதவீதம் பேர் தெரிவித்துள்ளனர். சுற்றுலாவின் போது ஓய்வெடுக்க விரும்புவதாக, 25 சதவீதம் பேரும், சந்தைக்கு செல்ல விரும்புவதாக, 22 சதவீதம் பேரும், முக்கிய இடங்களை சுற்றி பார்க்க விரும்புவதாக, 18 சதவீதம் பேரும் கருத்து தெரிவித்துள்ளனர்.