இந்திய விமானப் படை தளபதி நேற்று இலங்கை வருகை

இந்திய விமானப் படை தளபதி
நேற்று இலங்கை வருகை
(ஸாதிக் ஷிஹான்)
நான்கு நாள் உத்தியோகபூர்வ விஜயத்தை மேற்கொண்டு இந்திய விமானப் படைத் தளபதி எயார் சீப் மார்ஷல் பிரதீப் வசன்ந் நாயிக் நேற்று இலங்கை வந்துள் ளார்.

இலங்கை விமானப் படைக்குச் சொந்தமான விசேட விமானம் மூலம் நேற்று பிற்பகல் 1.32 மணியளவில் பண்டாரநாயக்க கட்டுநாயக்க சர்வதேச விமான நிலையத்தை வந்தடைந்த இந்திய விமானப்படைத் தளபதியை பாதுகாப்பு படைகளின் பிரதம அதிகாரியும் விமானப் படைத் தளபதியுமான எயார் சீப் மார்ஷல் ரொஷான் குணதிலக்க வரவேற்றார்.

நான்கு நாள் இலங்கையில் தங்கியிருக்கும் இந்திய விமானப் படைத் தளபதி, ஜனாதிபதி மஹிந்த ராஜபக்ஷ அவர்கள் பாதுகாப்புச் செயலாளர் கோட்டாபய ராஜபக்ஷ, பாதுகாப்புப் படைகளின் பிரதம அதிகாரியும் விமானப் படைத் தளபதியுமான எயார் சீப் மார்ஷல் ரொஷான் குணதிலக்க, இராணுவத் தளபதி லெப்டினன்ட் ஜெனரல் ஜகத் ஜயசூரிய, கடற்படைத் தளபதி வைஸ் அட்மிரல் சோமதிலக்க திஸாநாயக்க ஆகியோரை சந்தித்து பேச்சுவார்த்தை நடத்தவுள்ளார்.

கொழும்பிலுள்ள விமானப் படைத் தலைமையகத்திற்கு இன்று காலை 9.30 மணியளவில் விஜயம் செய்யவுள்ள இந்திய விமானப் படைத்தளபதிக்கு விசேட மரியாதை அணிவகுப்பு வழங்கப்படவுள்ளது.

அதனைத் தொடர்ந்து இரு தளபதிகளுக்கும் இடையிலான சந்திப்பு இடம்பெறவுள்ளது. அதனைத் தொடர்ந்து கடற்படைத் தலைமையகத்துக்கு விஜயம் செய்யவுள்ளார். அங்கும் விசேட அணிவகுப்பு வழங்கப்படவுள்ளது. இதன் போது கடற்படைத் தளபதி வைஸ் அட்மிரல் சோமதிலக்க திஸா நாயக்கவுடன் பேச்சுவார்த்தை நடத்த வுள்ளார்.

இதேவேளை நாளை 18ம் திகதி ஜனாதிபதி, மஹிந்த ராஜபக்ஷ அவர்களை அலரி மாளிகையிலும், பாதுகாப்புச் செயலாளர் கோட்டாபய ராஜபக்ஷவை பாதுகாப்பு அமைச்சிலும் சந்தித்து பேசவுள்ளார்.

இராணுவத் தலைமையகத்திற்கு செல்லும் அவர் இராணுவ தளபதியைச் சந்திக்கவுள்ளார்

:”@: :”@: