காதோடு காதாக...

காதோடு காதாக...




* “கப்சிப்” ஆகிய அரசியல்வாதி


சாப்பிடும்போது விக்கல் ஏற்பட்டாலும் செய்தியாகப் போடுமாறு ஊடகவியலாளருக்கு அன்புத்
தொல்லை கொடுத்துவந்த அந்தப் புதிய அரசியல்வாதி இப்போது கப்சிப் ஆகிவிட்டார். தலைவ
ரைச் சந்தித்த ஒரு சந்தர்ப்பத்தில் மூத்த ஊடகவியலாளர் ஒரு வர் இவரது அன்புத்
தொல்லையை சூட்சுமமாகச் சொல்லி விட்டதால் வந்தது வினை. எப்படியோ ஊடகவியலாளருக்கு
இப்ப பெரும் நிம்மதி.


* நகையை விரட்டும் ஆட்டோக்கள்


ஆட்டோவில் வந்து விலாசம் கேட்டால் எச்சரிக்கையாக இருக்குமாறு செய்தி வெளியாகிய
பின்னர் சனத்துக்கு ஆட்டோ கிட்ட வந்தா கிலி எடுக்குது. நகை விக்கிற விலையில
இருக்கிற நகையை பத்திரமாக வைக்கிறதை விட்டுவிட்டு பகட்டுக் காட்டினா சில்லறைகள்
விடுங்களே! எச்சரிக்கையா இருந்தா எல்லாருக்கும் நன்மைதானே!


* வரலாற்றுச் சாதனைதான்!


தினகரன் வாரமஞ்சரிக்கு ஜனாதிபதி பாராட்டின செய்தியைப் பார்த்த பலருக்குச் சரியான
கடுப்பு. அட எங்கட பேப்பரை, ரி. வியை, றேடியோவை இப்படிச் சொல்லவில்லையே என
ஏக்கத்தில்தானா அந்தக் கடுப்பு பாராட்டுறதுக்கு ஏதாவது உருப்படியா செய்யவல்லோ வேணும்,
ஊடகம் என்பது நடுநிலையாக, பக்கச்சார் பில்லாமல் நடக்க வேணுமெண்டு சொல்லியா
தெரியவேணும், எண்டாலும் வாரமஞ்சரி விடயம் ஒரு வரலாற்றுச் சாதனைதான்!

* கிழக்கு முதலமைச்சர் யார்?


கிழக்கில் அடுத்ததா முஸ்லிம் முதலமைச்சர்தான் வரவேணும் என்று ஒரு தரப்பும், இல்லை
அது தமிழராக இருக்கலாம் என்று இன்னொரு தரப்பும் கூறிவருகிறது. கூறும் இருதரப்புமே
முஸ்லிம் தரப்புக்கள் இது தேவையற்ற விவாதம். தெரிவு செய்வது மக்கள். பிரித்துப்
பார்ப்பதா அரசியல்வாதியின் செயல், இப்போதுள்ள முதலமைச்சர் தெரிவில் முக்கிய பங்கு
முஸ்லிம்களுக்கும் உள்ளது. தமிழ்பேசும் மக்களை தமிழர், முஸ்லிம் என்று இனியும்
பிரிக்க வேண்டாம்.


* கஷ்டத்திலதான் கவனிக்க வேணும்!


மலையகத்தில் மழை, மண்சரிவு, சுழல்காற்று, கஷ்டப்பட்ட மக்களுக்கு மேலும் கஷ்டம்.
இந்தமுறை அந்த மக்களைப் பெரிதாக ஒருவரும் வந்து பார்க்கவில்லை. பெரியகட்சிக்காரரும்
இம்முறை பெரிதாக அலட்டிக்கொள்ளவில்லை. ஆனால் அரசு மூலமாக ஏற்பாடு செய்து எல்லாமே
கிடைத்துள்ளது. எனினும் வாக்களித்த மக்களுக்கு கஷ்டத்தில் வந்து பார்த்துவிட்டுப்
போனா மகிழ்ச்சி தானே. சின்னக் கட்சிகளைப் பற்றி கதைக்கவே வேணாம்.


* சிறையில் கொமினிகேஷன்?


சிறைக் கைதிகளிட்ட சிம் காட்டுகள் இருந்ததைத்தான் கேள்விப்பட்டிருக்கிறோம். இங்கே
செய்மதி தொடர்புடன் கைத்தொலைபேசிகள். அதுவும் பத்தொன்பது எல்லாம் புலிச் சந்தேக
நபர்கள் இருந்த அனுராதபுர சிறையில் என்னதான் நடக்குது நாட்டில ஒரு பேனையைக் கூட
நூறுதடவை சோதித்துத்தான் உள்ள கொண்டுபோக முடியும். இங்கே? இப்பிடியே போனா சிறையில
கொமினிகேஷன் நடத்தலாம்!