உணர்ச்சிவசப்பட வேண்டாம்: தமிழக மக்களுக்கு ஜெயலலிதா வேண்டுகோள்

முல்லைப் பெரியாறு பிரச்சினையில் உணர்ச்சிவசப்பட வேண்டாம் என்று தமிழக மக்களுக்கு முதல்வர் ஜெயலலிதா வேண்டுகோள் விடுத்துள்ளார்.

இது தொடர்பாக தமிழக முதல்வர் ஜெயலலிதா வெளியிட்டுள்ள அறிக்கை வருமாறு, முல்லைப் பெரியாறு பிரச்சினை தற் சமயம் உச்ச நீதிமன்றத்தில் நிலுவையில் உள்ளது. உச்ச நீதிமன்றத்திற்குத் தேவையான முக்கிய தொழில்நுட்ப மற்றும் விஞ்ஞான ரீதியான புள்ளிவிவரங்கள் கொடுத்து, நம் பக்கம் உள்ள நியாயத்தை உச்ச நீதிமன்றத்தை ஒத்துக் கொள்ளச் செய்வதால் தான் இப் பிரச்சினைக்கு தீர்வு காண முடியும் என எனது தலைமையிலான தமிழ்நாடு அரசு நம்புகிறது.

அதன் விளைவாக, எப்பொழுதும் உணர்ச்சிகளைத் தவிர்த்து, நியாயமாக நடந்து கொள்ளும்படி நான் தமிழக மக்களுக்கு வேண்டுகோள் விடு த்து வருகிறேன். நான் உங்களில் ஒருத்தியாக உங்களின் உணர்ச்சிகளை பகிர்ந்து கொள் கிறேன். நமது நாட்டிற்கும், எனது மக்க ளுக்கும், அமைதியும் வளமும் கிடைக்க வேண்டும் என்று நான் உறுதி யாக நம்புகிறேன்.

எனது அன்பார்ந்த தமிழ்நாட்டு மக்களை இந்த பிரச்சினை குறித்து உணர்ச்சி வசப் படாமல் இருக்கும்படி நான் கேட்டுக் கொள்கிறேன். நாம் வன்முறையி லும், வெறுப்பிலும் நம்பிக்கையற்றவர்கள் என்பதை உலகத்திற்கு உணர்த்துவோம்.

இம்மாநிலத்தில் ஒரு சில நபர்களுக்கு மட்டுமோ அல்லது யாருக்கேனும் பாதி ப்பு இருந்தால், நானும் எனது தலைமை யிலான தமிழக அரசும் உடனடியாக உதவிக் கரம் நீட்டி நடவடிக்கை எடுப்பதில் முதலா வதாக இருப்போம். இப்பிரச்சினையில், எனக்கும் தமிழக மக்களுக்கும், கேரள அரசு மற்றும் கேரள மக்களின் மீது எந்த வித விரோதமும் இல்லை. கேரள மக்களுக் கும், எங்களுக்கும் எந்தவித சச்சரவும் இல்லை. எனவே, அவர்களின் உடைமை களுக்கு சேதம் உண்டாக்குவதும் அல்லது அவர்களை துன்புறுத்துவதும், அதன் மூலம் நமக்கு நாமே பாதிப்பு ஏற்படுத்து வதும் இப்பிரச்சி னைக்கு தீர்வு ஆகாது.

இப்பிரச்சினையை விஞ்ஞான ரீதியாகவும், தர்க்கபூர்வமான முறையிலும் கையாள உங்களது அரசை அனுமதிக்க வேண்டும் என்று உங்களை நான் கேட்டுக்கொள்கிறேன். இச் சூழ்நிலையில், இந்த பிரச்சினையை மேலும் சிக்கலாக்காமல் உடனே கலைந்து செல்லும்படி மாநில எல்லையில் போராட்டத்தில் ஈடுபடும் மக்களை நான் அன்புடன் கேட்டுக் கொள்கிறேன்.