தவறான தகவல் தரும் கேரள பொறியியலாளர்கள்

தவறான தகவல் தரும் கேரள பொறியியலாளர்கள்
கூடலூர்:
முல்லைப் பெரியாறு அணையில் மாதிரி எடுக்கும் பணி குறித்து கேரள பொறியியலாளர் கள் தவறான தகவல்களை தெரிவித்து வருவதால் பணி முழுமையடைவதில் சிக்கல் ஏற்பட்டுள்ளது. முல்லைப் பெரியாறு அணையில் உச்ச நீதிமன்றம் நியமித்துள்ள ஐவர் குழு சார்பில், இறுதிக்கட்ட ஆய்வாக அணையில் மாதிரி எடுக்கும் பணி ஜன, 5ல் தொடங்கியது. துளையிடும் இயந்திரம் மூலம் முதற்கட்டமாக இரண்டு இடங்களில் துளையிட்டு மாதிரி எடுக்கும்பணி நடக்கிறது. எடுக்கப்பட்ட மாதிரியை தாளில் சுற்றி அனுப்பும் பணியையும், அக்குழுவே செய்கிறது. இப்பணி நான்கு மாதங்களுக்கு மேல் நடைபெற உள்ளது. மாதிரி எடுக்கும் பணியை போட்டோ எடுப்பதற்கு இரு மாநில ஊடகங்களுக்கும் அனுமதி வழங்கவில்லை.

கேள்விக்குறி: துளையிடும் இயந்திரம் துளையிடுவதையும், அதிலிருந்து எடுக்கப்படும் மாத்திரிகளையும், கேரள பத்திரிகைகள் படத்துடன் வெளியிட்டு வருகின்றன. ஊடகங்களை அனுமதிக்காமல் கெடுபிடியுடன் தமிழக பொதுப் பணித் துறையினர் நடந்த போதிலும் கேரள பத்திரிகைகளில் படங்கள் பிரசுரமானது அணையில் பாதுகாப்பை கேள்விக்குறியாக்கி உள்ளது.

அணைப் பகுதியில் உள்ள கேரள பொறியியலாளர்கள், தங்கள் கெமராவில் புகைப்படம் எடுத்து அதை கேரள பத்திரிகைகளுக்கும், கேரள அரசுக்கும் அனுப்பி வருகின்றனர். மேலும் மாதிரி எடுக்கும் பணி குறித்து தவறான தகவல்களையும் பரப்பி வருகின்றனர். மாதிரியை ஆய்வுக்கு உட்படுத்துவதற்கு முன்பே அது தூள் தூளாக இருப்பதாகவும், சுண்ணாம்பு கலவை மட்டுமே கொண்டு பலமிழந்து இருப்பதாகவும் தெரிவிக்கின்றனர். இதனால் அணையின் இறுதிக்கட்ட ஆய்வில் குழப்பம் ஏற்படும் நிலை உருவாகியுள்ளது.

அப்ப அணைக்கு ஆப்பா,,,