இஸ்ரேலில் நாய்களுக்கு தனி தொலைக்காட்சி சேவை

by **நண்பன்** Wed 13 Mar 2013 - 9:22

இஸ்ரேலில் நாய்களுக்கு தனி தொலைக்காட்சி சேவை
வீட்டில் தனியாக விடப்பட்டி ருக்கும் நாய்களுக்காகவே இஸ்ரேலில் தனியாக தொலைக் காட்சி சேவை ஒன்று ஆரம்பிக்கப் பட்டுள்ளது.

வீட்டில் தனிமையில் விட்டுச் சென்றால் சில நாய்கள் அழுது குரைத்து அண்டை வீட்டாரை தொல்லைப்படுத்தும், சில நாய்கள் முரட்டுத்தனமாக நடந்து வீட்டில் உள்ள பொருட்களை சேதப்படுத்தும். செல்லமாக நாய்களை வளர்ப்பவர்களின் இது போன்ற பிரச்சினையை தீர்ப்பதற்காகவே நாய் செனல் தொடங்கப்பட்டுள்ளது.

இந்த அலைவரிசையில் நாய்களுக்கு இதமளிக்கும் மெல்லிய இசையுடன், சிறப்பு வண்ணங்கள் தொலைக்காட்சி திரையில் தெரியும் ஒவ்வொரு நிகழ்ச்சியும் 6 நிமிடங்கள் ஓடும் வகையில், அறிவியல் முறைப்படி வடிவமைக்கப் பட்டுள்ளன. இதனை பார்க்கும் நாய்கள் மகிழ்ச்சியாகவும், அமைதியாகவும் இருக்குமென தொலைக்காட்சி நிறுவன தலைமை செயல் அதிகாரி கிளாட் நியூமேன் தெரிவித்தார். அமெரிக்காவின் சான்டியாகோவில் கடந்த ஆண்டே இதுபோன்ற ஒரு தொலைக்காட்சி சேவை ஆரம்பிக்கப்பட்டுள்ளது. அது தற்போது கலிபோர்னியா மாகாணம் முழுவதும் ஒளிபரப்பாகிறது.