நடிகை கங்கணா ரனாவத் ஏக்கங்கள்!

நடிகை கங்கணா ரனாவத்.நடித்து வெளிவந்துள்ள
‘குயின்’ இந்தி சினிமா சக்கைபோடு போட்டுக்
கொண்டிருக்கிறது. பூரிப்பின் உச்சத்தில் இருக்கும்
அவர் சொல்லும் தகவல்கள்:
-
சினிமாவில் பெண் கதாபாத்திரங்களுக்கு 
கிடைக்கும் முக்கியத்துவம், நிச்சயமாக சமூகத்திலும்
பெண்கள் மத்தியில் பெரும் மாற்றங்களை
ஏற்படுத்தும்.
-
புண்ணிய பூமி என்று வர்ணிக்கப்படும் பாரதத்தில்
பெண்களுக்கு எதிராக பல வன்முறைகள் நடந்து
வருகின்றன. அதிலிருந்து தப்ப, பெண்களுக்கு
விழிப்புணர்வும், தன்னம்பிக்கையும், துணிச்சலும்
தேவை. அத்தகைய உணர்வை ஏற்படுத்தும்
சினிமாக்கள் நிறைய வரவேண்டும்.
-
‘குயின்’ படத்தின் கதையை நீங்கள் கவனித்தால்
ஒரு உண்மைபுரியும். பயந்த சுபாவமுள்ள ஒரு பெண்,
தனியாக நீண்ட பயணத்தை மேற்கொள்ளும் நிலை
ஏற்படுகிறது. அவள் அந்த பயணத்தில் எப்படிப்பட்ட
பிரச்சினைகளை எல்லாம் எதிர்கொள்கிறாள் என்பதுதான்
கதை. இன்று பல பெண்கள் வீட்டைவிட்டு வெளியே
வரவே தயங்குகிறார்கள். அப்படிப்பட்ட பெண்கள்கூட
வாழ்க்கையில் எப்போதாவது தனியாக பயணம் செய்யும்
கட்டாயம் ஏற்படத்தான் செய்யும்.
-
அவர்களுக்கு தன்னம்பிக்கை ஏற்படுத்தும் விதத்தில்
குயின் கதை உள்ளது. ஒரு பெண் நீண்ட பயணம்
சென்று விட்டு சொந்த வீட்டிற்கு திரும்பும்போது,
நாகரீகம் என்ற பெயரில் அவள் குட்டை பாவாடை
அணிந்துகொண்டு வருவது மாற்றம் அல்ல.
-
அவள் நிறைந்த தன்னம்பிக்கையோடு திரும்பி
வருவதுதான் நல்ல மாற்றம். பெண்களின் மறுமலர்ச்சி
உடையில் அல்ல, உள்ளத்தில் ஏற்படவேண்டும்.
-
 நடிகைகள் சமூகசேவையில் இறங்குவது
வரவேற்கத்தகுந்தது. சமூகத்திற்கு நம்மால் இயன்றதை
செய்யவேண்டும் என்ற எண்ணம் அனைவர் மனதிலும்
இருக்கிறது. அதற்கான சந்தர்ப்பம் வரும்போது நானும்
அதில் ஈடுபடுவேன்
-
----------------------------------