லிபியாவில் பெரும் அரசியல் நெருக்கடி மக்கள் மீது விமானங்கள் குண்டு மழை

ஆயிரம் பேர் பலி: ஆறாயிரம் பேர் காயம்

லிபிய ஜனாதிபதி மொஹமட் கடா பியை உடனடியாகப் பதவி விலகுமாறு ஐ.நா.வுக்கான லிபியாவின் பிரதித் தூதுவர் கோரியுள்ளார். மக்களைக் கொலை செய்தமைக்கான போரியல் குற்றச்சாட்டையும் மனிதப் படுகொலைக் கான விசாரணைகளையும் எதிர்கொள்ள மொஹமட் கடாபி தயாராக வேண்டு மெனத் தெரிவித்த ஐ.நா.வின் பிரதித் தூதுவர் மொஹமட் கடாபியின் 42 வருட ஆட்சி நிறைவடையும் காலம் நெருங்கி விட்டதாகவும் விளக்கினார். லிபியாவின் நிலைமைகள் தொடர்பாக பி.பி.சிக்கு விளக்கமளிக்கையிலே ஐ.நா. வுக்கான லிபியாவின் பிரதித் தூதுவர் இவ்வாறு கூறினார்.

மேலும் இது தொடர்பாக கருத்து வெளியிட்ட அவர் லிபியாவின் 42 வருட ஆட்சியை மக்கள் நிராகரித்துள்ளனர். இதுவரை காலமும் அம்மக்கள் பொறுமை சகிப்புத்தன்மையுடன் வாழ் ந்தனர். இப்போது போராட ஆரம்பித் துள்ளதால் மக்களின் அபிலாஷைகளை மொஹமட் கடாபி மதிக்க வேண்டும்.

இல்லாவிட்டால் வேறு எந்த வழி களிலாவது மொஹமட் கடாபி பதவி கவிழ்க்கப்படுவார். நீண்டகால ஆட்சி புரிந்த ஜனாதிபதி இப்போது எங்குள்ளார் என்பதை அறிவிக்க வேண்டும் இது தொடர்பாக ஐ.நா. விரிவான கடித மொன்றையும் லிபியாவுக்கு அனுப்பி யுள்ளது.

நிலைமைகள் இவ்வாறுள்ள நிலையில் லிபிய நகரங்களில் வீதிகளில் இறங்கிப் போராடுவோருக்கெதிராக பொலிஸ் இராணுவம் ஷெல்களை ஏவி வருவதுடன் துப்பாக்கிப் பிரயோகம் மேற்கொண்டு வருவதாகவும் செய்திகள் கூறுகின்றன. இரண்டு வாரப் போராட் டத்தில் இதுவரை பலர் கொல்லப்பட்டும் காயமடைந்துமுள்ளனர்.

லிபியாவில் ஏற்பட்டுள்ள நெருக்கடியான நிலைமை களை ஆராய ஐ.நா. பாதுகாப்புச் சபை அவசரமாகக் கூடியுள்ளது. அத்துடன் லிபியாவின் வரலாற்றிலே சி.என்.என் செய்தியாளர் அங்கு சென்றுள்ளார். கள நிலவரங்களை உடனுக்குடன் வெளிநாடுகளுக்கு அனுப்பும் பணியில் இவர் ஈடுபடவுள்ளார். லிபிய ஜனாதிபதி நாட்டை விட்டு வெளியே சென்றதான செய்திகளை நிராகரித்த அவரின் மகன் தனது தந்தை நாட்டிலுள்ளார் எனக்கூறி புகைப்படத் தையும் வெளியிட்டுள்ளார்.

வெனிசூலா, பிரேஸில் அல்லது ஏனைய நாடுகளுக்குத் தப்பிச் சென்றுள்ளார் என்ற செய்திகள் இன்னும் ஊர்ஜிதமாகவில்லை. வெனிசூலாவுக்கு மொஹமட் கடாபி வரவில்லையென அந்நாட்டு அரசாங்கம் வெளிப்படையாக அறிவித்துள்ளது. லிபியாவுக்கான இந்திய தூதுவர் பதவியை இராஜினாமாச் செய்துள்ளார்.

அரசாங்கத்துக்கெதிரான போரில் மக்களுடன் இணையுமாறு இராணுவத்தின் ஒரு பகுதி அழைப்பு விடுத்துள்ளது. இன்னும் மொஹமட் கடாபியின் விசுவாசியான இரண்டு முக்கிய இராணுவத் தளபதிகள் மோல்டாவுக்கு தப்பிச் சென்றுள்ளனர். இராணுவத் தாக்குதலில் காயமடைந்தோருக்கு சிகிச்சையளிக்க எகிப்தின் எல்லையில் 25 வைத்தியர்கள் 15 தாதிமார்கள் காத்திருக்கின்றனர்.

சர்வதேச இஸ்லாமிய அமைப்பு அப்பாவி மக்கள் மீதான லிபிய அரசின் தாக்குதலைக் கண்டித்துள்ளது. இராணுவ அதிகாரிகள் சிலர் வீட்டுக் காவலில் வைக்கப்பட்டுள்ளதுடன் பல நகரங்கள் பொதுமக்கள் கட்டுப்பாட்டில் வந்துள்ளன. சில விமானிகள் விமா னங்களை ஓட்டிச் செல்ல மறுப்பதாகவும் தெரிவிக்கப்படுகின்றது

அரசியல் நெருக்கடிக்காக மனிதர்களைக் கொள்வார்களா?