கவிஞர் கண்ணதாசனின் தத்துவங்கள்

by **rammalar** Fri 15 Oct 2021 - 16:48

.
‘தர்மம் தலைகாக்கும்’ என்ற இந்துகளின் பழமொழி
எனக்கு நினைவுக்கு வருகின்றது.

செய்த பாவம் தலையிலடிக்கிறது - செய்த புண்ணியம்
தலையைக்காக்கிறது.

ஆம்: செய்த புண்ணியம் திரும்பி வருகிறது.

புண்ணியம் என்பது, என்றும் எதிலும் நீ செய்யும் நன்றி!

பாவத்தில் முதற்பாவம், நன்றி கொல்லுதல்.

கஷ்ட காலத்தில் எனக்கு ஒரு ரூபாய் உதவியவரை நான்
ஞாபகத்தில் வைத்துக் கைம்மாறு செய்திருக்கிறேன்.

அந்த நாயகன் அறிய நான் நன்றி கொன்றதில்லை.

ஆகவே பாவம் செய்யாமல்,புண்ணியம் செய்து கொண்டே
இறைவனைத் தியானித்தால் உன் வாழ்நாளிலேயே
உனக்கொரு அதிர்ஷ்டம் காத்திருக்கிறது.

நான தத்துவம் பேசவில்லை; அனுபவம் பேசுகிறது.
..

by **rammalar** Fri 15 Oct 2021 - 16:50

திரிகடுகம்

குளித்தபின் உண்ணுவதும், பொய் சொல்லாமல் இருத்தலும்,
தோல் வற்றிச் சுருங்கினாலும் நற்குணங்களில் இருந்து
குறையாமையும், ஆகிய இம்மூன்றும் நல்லவர் செயல்களாகும்.
-------------------
-

சாணக்கியரின் அர்த்தசாஸ்திரம்

உங்கள் குழந்தையை 5 வயது வரை கொஞ்சுங்கள்,
5 -15 வயது வரை தவறு செய்தல் தடியால் கண்டியுங்கள்.
15 வயதுக்கு மேல் நண்பனாக நடத்துங்கள்.
---------------------
-

சுவாமி விவேகானந்தரின்வீர மொழிகள்
-
அதிக பலவீனத்தால் பலவீனத்தைப் போக்க முடியுமா?
அழுக்கால் அழுக்கை போக்க முடியுமா? பாவத்தால் பாவம்
தொலையுமா? பலவீனத்தால் பலவீனம் போகுமா? என்று
கேட்கின்றன
-
ஓ மனிதா வலிமையுடன் எழுந்து நில். வலிமை பெறு என்று
அவை சொல்கின்றன. உலக இலக்கியங்களுள் இதில் மட்டுமே
பயமில்லை என்ற வார்த்தை மீண்டும்மீண்டும் காணப்படுகிறது.
வேறு எந்தச் சாஸ்திரத்திலும் கடவுளுக்கும் சரி மனிதனுக்கும்
சரி இந்தச் சொல் பயன்படுத்தப்படவில்லை.
---------------------

by **rammalar** Fri 15 Oct 2021 - 16:51

இராமகிருஷ்ணரின் உபதேசம்
-
காய் தோன்றிய பின் பூ உதிர்ந்துவிடுகிறது.
அதேபோல் இறையனுபூதி கிடைத்தபின் ஒருவன்
கடமைகளைச் செய்ய வேண்டியதில்லை.
அதற்கான மனமும் இருக்காது.
- :cherry_blossom:

இந்த ஊனக்கண்களால் இறைவனைக் காண முடியாது.
சாதனைகள் செய்துசெய்து ஒரு பிரேமை உடல்
உண்டாகிறது. பிரேமைக் கண்கள்,பிரேமை காதுகள்,
எல்லாம் உண்டாகின்றன. பிரேமை கண்களால்
இறைவனைக் காணலாம். பிரேமை காதுகளால் இறைவன்
பேசுவதைக் கேட்கலாம்.
பிரேமை மயமான ஆண்பெண் உறுப்புகளும் உண்டாகின்றன.
இந்த பிரேமை உடல் ஆன்மாவோடு கலந்து இன்புறுகிறது.
இறைவனிடம் ஆழ்ந்த அன்பு உண்டாகாமல் இது கிடைக்காது.
அந்த அன்பு உண்டானால் எங்கும் இறைமயமாகக் காணலாம்.
---------------

by **rammalar** Fri 15 Oct 2021 - 16:53

குருவின் தன்னம்பிக்கை பாடம்!
..
மடத்தில் ஜென் துறவி ஒருவர் சீடர்களுக்கு பாடம் சொல்லிக்
கொண்டிருந்தார். அப்போது அவர் சீடர்களுக்கு துன்பம்
வந்தால் தன்னம்பிக்கையுடன் மனதை தளராமல் இருக்க
வேண்டும் என்ற ஒரு புத்தியை அவர்களுக்கு புகட்டுவதற்கு
ஒரு சிறு கதை சொல்லி புரிய வைக்க நினைத்தார்.

அதனால் அவர் ஒரு எறும்பு கதையை தன் சீடர்களுக்கு
சொன்னார்.

அதாவது "ஓர் எறும்பு தன் வாயில் சற்று நீளமான உணவுப்
பொருளை தூக்கிச் சென்றது. அப்போது அது செல்லும்
வழியில் ஒரு விரிசல் தென்பட்டது. அதனால் அந்த எறும்பு
அதை தாண்டிச் செல்ல முடியாமல் தவித்தது.

சற்று நேரம் கழித்து, அந்த எறும்பு தன் உணவை அந்த விரிசல்
மீது வைத்து, அதன் மீது ஊர்ந்து சென்று விரிசலைக் கடந்து,
பின் தன் உணவை எடுத்துச் சென்றது" என்று கூறினார்.

பின் அவர்களிடம், "அதேப் போல் தான் நாமும் நமக்கு ஏற்படும்
துன்பத்தையும் பாலமாக வைத்து, முன்னேற வேண்டும்" என்று
கூறினார்.

மேலும் அந்த சிறு எறும்பின் தன்னம்பிக்கை நமக்கு இருந்தாலே
நாம் வாழ்வில் எந்த தடையையும் எளிதாக கடந்து செல்ல முடியும்,
துன்பமும் காணாமல் போய்விடும் என்று கூறி, அன்றைய
பாடத்தை முடித்தார்.
-------------

by Sponsored content

கவிஞர் கண்ணதாசனின் தத்துவங்கள்

கவிஞர் கண்ணதாசனின் தத்துவங்கள்

Re: கவிஞர் கண்ணதாசனின் தத்துவங்கள்

Re: கவிஞர் கண்ணதாசனின் தத்துவங்கள்

Re: கவிஞர் கண்ணதாசனின் தத்துவங்கள்

Re: கவிஞர் கண்ணதாசனின் தத்துவங்கள்