சட்டத்தரணிகள் ஆஜராக மறுத்த கொடியவனுக்கு நீதிமன்றம் சிறைத்தண்டனை அளித்தது

சட்டத்தரணிகள் ஆஜராக மறுத்த கொடியவனுக்கு நீதிமன்றம் சிறைத்தண்டனை அளித்தது
தென் மாகாணத்தில் திட்ட மிட்டு கால்நடைகளை கடத்திச் செல்லும் ஒரு கொள்ளைக் கோஷ்டியை பொலிஸ் விசேட அதிரடிப்படையினர் இப்போது வலைவிரித்துத் தேடிவருகிறா ர்கள்.

வரலாற்றில் முதல் தடவை யாக பொலிஸ் அதிரடிப்படையி னர் கால்நடை திருடர்களை இந்தள வுக்கு தீவிரமாக தேடிவருகி றார்கள். தென்னிலங்கையில் கால்நடை திருட்டு அதிகரித்து வருவதாக பாதுகாப்பு அமைச்சுக்குக் கிடைத்த பலதரப்பட்ட முறைப்பாடுகளை அடுத்தே, பாதுகாப்பு செயலாளரின் உத்தரவின் பேரில் இந்த தேடுதல் நடவடிக்கைகள் முடுக்கி விடப்பட்டுள்ளன.

2009 ஆம் ஆண்டு மே மாதத்தில் பயங்கரவாத யுத்தம் முடிவுபெற்றதை அடுத்து நாட்டில் சட்டத்தையும் ஒழுங்கையும் குற்றச்செயல்களையும் நிலைநிறுத்தி குற்றச்செயல்களை தடுக்கும் பொறுப்பு பாதுகாப்பு அமைச்சினால் பொலிஸ் அதிரடிப்படையினரிடம் ஒப்படைக்கப்பட்டுள்ளது.

இவ்விதம் பொலிஸார் மேற்கொண்ட தேடுதலின் போது மெதகம என்னுமிடத்தில் 09 காளை மாடுகளுடன் ஒரு வெட்டப்பட்ட மாட்டின் பாகங்களை கடத்திச் சென்ற கால்நடை திருடர்கள் கைது செய்யப்பட்டனர். இந்த கால்நடை திருட்டுக் கோஷ்டி இதுவரையில் 50 க்கும் மேற்பட்ட மாடுகளை கடத்திச் சென்று இறைச்சிக்காக விற்பனை செய்துள்ளது.

சில காலத்திற்கு முன்னர் மத்துகமயில் கட்டி வைக்கப்பட்டிருந்த ஒரு மாட்டின் வலதுகால் தொடையை முற்றாக அறுத்துக்கொண்டு ஓடிவிட்ட ஒரு திருடன் மாட்டின் இரத்தம் வழிந்தோடிய காரணத்தினால் அவன் எங்கிருக்கிறான் என்பதை கண்டுபிடித்த பொலிஸார் மறுநாள் அதிகாலையிலேயே அவனை கைது செய்து நீதிமன்றத்தின் முன்னால் நிறுத்தினார்கள்.

இந்த நிகழ்வு நடைபெற முன்னரே அந்த காளை மாடு இரத்தப் பெருக்கினாலும் வேதனை தாங்க முடியாமலும் அன்றைய தினம் காலை 6.30 மணியளவில் மரணித்தது. இந்த சம்பவம் மத்துகமவையும் அதனை சார்ந்த பிரதேசங்களிலும் பெரும் பரபரப்பை ஏற்படுத்தியது. நீதிமன்றத்தில் ஆஜராக்கப்பட்ட அந்தக் குற்றவாளி தனது சார்பில் வழக்காடுமாறு பல சட்டத்தரணிகளிடம் எவ்வளவு பணத்தையாவது தருகிறேன் என்று கூறி கெஞ்சிக் கேட்ட போதிலும், ஒரு சட்ட தரணிகூட உன்னைப் போன்ற ஒரு கொடியவனுக்காக நாம் கோடான கோடி ரூபா பீசாக கிடைத்தாலும் வாதாடமாட்டோம் என்று மறுத்துவிட்டனர்.

வேறு வழியின்றி குற்றத்தை ஒப்புக்கொண்ட அந்த மனிதனுக்கு நீதவான் ஓராண்டு கால கடுங்கால சிறைத்தண்டனை விதித்தார்.

இவ்விதம் நீதிமன்றங்கள் இப்படிப்பட்ட கொடியவர்களை தண்டித்தால்தான் இனிமேலாவது இந்நாட்டில் மிருகங்கள் ஈவிரக்கமற்ற முறையில் இறைச்சிக்காக சட்டவிரோதமாக கொல்லப்படுவதை நாம் தடுக்கலாம்.

:!+:

சரியான வேல இதான்