தமிழகம் முழுவதும் 23-ந்தேதி மார்க்சிஸ்டு ஆர்ப்பாட்டம்: ஜி.ராமகிருஷ்ணன் பேட்டி

மதுரை, ஆக.21-

மார்க்சிஸ்ட் கம்யூனிஸ்டு கட்சியின் மாநில செயலாளர் ஜி.ராமகிருஷ்ணன் மதுரையில் நிருபர்களுக்கு பேட்டி அளித்தார். அப்போது அவர் கூறியதாவது:-

மத்திய அரசு ஊழலுக்கு எதிராக தயாரித்த லோக்பால் மசோதா வலுவானதாக இல்லை. இந்த மசோதாவை திருத்தி அமைத்து தாக்கல் செய்ய வேண்டும் என்று மார்க்சிஸ்ட் கம்யூனிஸ்டு கட்சி சார்பில் வலியுறுத்தப்பட்டு வருகிறது.

காந்தியவாதி அன்னா ஹசாரேவும் லோக்பால் மசோதா வலுவானதாக இல்லை என்று ஊழலுக்கு எதிராக உண்ணாவிரதம் இருந்து வருகிறார். அன்னா ஹசாரேவுக்கு ஆதரவாக மார்க்சிஸ்ட் கம்யூனிஸ்டு கட்சி சார்பில் வருகிற 23-ந் தேதி தமிழகம் முழுவதும் ஆர்ப்பாட்டம் நடைபெறும். இந்த ஆர்ப்பாட்டத்தில் கலந்து கொள்வது பற்றி மற்ற கட்சிகளுடன் பேச்சு நடத்தி வருகிறோம்.

திருப்பூரில் சமீப காலமாக தற்கொலைகள் அதிகரித்து வருகிறது. இதற்கு காரணம் அங்கு கந்து வட்டி, வேலை இழப்பு, 2009-ம் ஆண்டு 542 பேரும், 2010-ம் ஆண்டு 535 பேரும், 2011-ம் ஆண்டு ஜூன் வரை 352 பேரும் தற்கொலை செய்து உள்ளனர். மேலும் தற்கொலை அதிகரிக்காதவாறு தடுக்க தமிழக அரசு தீவிர நடவடிக்கை எடுக்க வேண்டும்.

புதிய தலைமை செயலக கட்டிடத்தை மருத்துவமனை ஆக்க முதல்-அமைச்சர் ஜெயலலிதா அறிவித்து உள்ளார். இதற்கு தமிழக அரசுக்கு மார்க்சிஸ்ட் கம்யூனிஸ்டு கட்சி பாராட்டு தெரிவித்து கொள்கிறது. உள்ளாட்சி தேர்தலில் யாருடன் கூட்டணி என்பது குறித்து மாநில செயற்குழு நடத்தி முடிவு எடுக்கப்படும். வருகிற அக்டோபர் மாதம் உள்ளாட்சி தேர்தல் நடைபெற உள்ளதாக அரசு அறிவித்து உள்ளது. இந்த உள்ளாட்சி தேர்தலில் தலைவர்களை மக்களே தேர்ந்தெடுக்கும் முறையை கொண்டுவர வேண்டும். இதற்கான சட்ட திருத்தத்தை இந்த சட்டமன்ற கூட்ட தொடரிலேயே கொண்டுவர வேண்டும். பெண்களுக்கு 50 சதவீத இட ஒதுக்கீடு வழங்க தீர்மானம் நிறைவேற்ற வேண்டும்.

இவ்வாறு அவர் கூறினார்.

மாலை மலர்

அப்ப தானே இவர்கள் இருப்பது நாட்டு மக்களுக்கு தெரியும்

ஹீம்,....