கொழும்பு மாநகர சபையையும் வென்று ஆச்சரியம் ஏற்படுத்துவோம்

வெல்ல முடியாத யுத்தத்தை வென்றோம்
*
பாராளுமன்றில் 2/3 பெரும்பான்மை
கொழும்பு மாநகர சபையையும் வென்று ஆச்சரியம் ஏற்படுத்துவோம்



எம். எஸ். பாஹிம்

யாராலும் முடியாது என்று கூறப்பட்ட யுத்தத்தை முடித்து பாராளுமன்றத்தில் 2/3
பெரும்பான்மை பெற்றது போன்று வெல்ல முடியாது என்று கருதப்படும் கொழும்பு மாநகரசபையை
வென்று ஐ. ம. சு. மு. ஆச்சரியத்தை ஏற்படுத்துமென அமைச்சர் டளஸ் அலஹப்பெரும கூறினார்.
தேர்தலில் படுதோல்வி அடைவதை முன்கூட்டியே உணர்ந்துள்ள ஐ. தே. க. தோல்விக்கான
காரணத்தை இப்பொழுதே கூறத் தொடங்கியுள்ளது எனவும் அவர் கூறினார். ஐ. ம. சு. மு.
ஏற்பாடு செய்திருந்த ஊடகவியலாளர் மாநாடு நேற்று மகாவலி நிலையத்தில் நடைபெற்றது.
அமைச்சர் மேலும் கூறியதாவது: யாராலும் வெல்ல முடியாது என்று கருதப்பட்ட
யுத்தத்திற்கு ஜனாதிபதி தலைமையிலான ஐ. ம. சு. மு. அரசு முடிவுகட்டியது. எந்தக்
கட்சியாலும் தேர்தல் மூலம் 2/3 பெரும்பான்மை பெற முடியாது என்பதையும் எமது கட்சி
பொய்யாக்கி ஆச்சரியத்தை ஏற்படுத்தியது. 50 வருடங்களுக்கு மேல் ஐ. தே. க. வின்
கோட்டையாக உள்ள கொழும்பு மாநகர சபையை எந்தக்கட்சியாலும் வெல்ல முடியாது என்பதையும்
இம்முறை ஐ. ம. சு. மு. பொய்யாக்கி சாதனை படைக்கும்.
கொழும்பில் ஐ. தே. க.வாக்கு பலம் குறைந்து வருவதோடு ஐ. ம. சு. முவின் பலம் கூடி
வருகிறது. 2005 ஜனாதிபதித் தேர்தலில் ஐ. தே. க. 71 வீதமும் ஐ.ம. சு. மு. 28 வீதமும்
வாக்குகளைப் பெற்றன. 2010 ஜனாதிபதித் தேர்தலில் ஐ. தே. க. வாக்கு 67 வீதமாகக் குறைந்
தது. ஐ. ம. சு. மு. வாக்கு 31 வீதமாக அதிகரித்தது. 2010 பொதுத் தேர்தலில் ஐ. தே. க.
வாக்கு 58 வீதமாகக் குறைய ஐ. ம. சு. மு. வாக்கு 32வீதமாக அதிகரித் தது. ஐ. தே. க.
பெற்ற வாக்குகளில் முஸ்லிம் காங்கிரஸ் ஜனநாயக மக்கள் முன்னணி என்பனவற்றின்
வாக்குகளும் அடங்கும். இவற்றில் சுமார் 17 வீத வாக்குப் பலத்தை குறைத்தால் ஐ. தே.
க. வுக்கு 41 வீத வாக்குகளே இம்முறை கிடைக்கும்.
இரு தேர்தல்களில் ரணில் விக்ரமசிங்கவின் தேர்தல் நடவடிக்கை களுக்காக ஒரு மில்லியன்
ரூபா வழங்கிய தாக முன்னாள் அமைச்சர் மஹ்ரூப் தெரிவித்த பாரிய குற்றச்சாட்டுக்கு
ரணில் இது வரை பதில் வழங்கவில்லை. ஆனால் பாலர் பாடசாலை மாணவரின் தரத்திலான
கருத்துக்களை பிரசாரக் கூட்டங்களில் கூறிவருகிறார்.
கொழும்பு நகரை உன்னத நகரமாக மாற்றுவது அரசாங்கத்தின் கொள்கையாகும். அதற்கு அரசாங்கம்
முன்னுரிமை வழங்கி வருகிறது. மக்களின் தகவலறியும் உரிமையை அரசாங்கம்
நிராகரிக்கவில்லை. தனிநபர் பிரேரணையாக ஐ. தே. க. அதனைக் கொண்டு வர முயன்றது. ஆனால்
அத்தகைய பிரேரணையொன்றை அரசாங்கம் கொண்டுவர உள்ளது. கொழும்பில் முன்மாதிரியாகவே இது
கொண்டுவரப்பட உள்ளது.