இலங்கையில் ஹோட்டன் சமவெளி

by **நண்பன்** Fri 8 Mar 2013 - 15:00

First topic message reminder :

இலங்கையில் ஹோட்டன் சமவெளி - Page 2 Horton-plains-5

ஹோட்டன் சமவெளி இலங்கையின் மத்திய மலைநாட்டில் அமைந்துள்ள ஒரு பாதுகாக்கப்பட்ட பகுதி ஆகும். இது புல்வெளிகள் மற்றும் அடர்ந்த காடுகளாலும் மூடப்பட்ட பகுதி ஆகும். இப் பீடபுமியானது,
கடல் மட்டத்திலிருந்து, 2,100-2,300 மீற்றர் உயரம் கொண்டதாகவும், பல வேறுபட்ட உயிரினங்களையும்கொண்ட வளம் கொளிக்கும் ஓர் இடமாகும். இங்குள்ள உயிரினங்கள் இப் பிரதேசத்திற்கு மட்டுமே உரியனவாகத் திகழ்கின்றன.
இது 1988இல் ஒரு தேசிய புங்காவாக்கப் பட்டது. இது ஒரு பிரபல்யமான சுற்றுலாப்பயணிகளின் இலக்காகவும் அமைந்துள்ளது. ஹோட்டன் சமவெளி நுவரெலியாவிலிருந்து 32கி.மீ தொலைவில் அமைந்துள்ளது. இதன் வருடாந்த மழைவீழ்ச்சி 2000 மில்லி மீற்றரைம் விட அதிகமானது ஆகும். உலகின் இறுதி இடமான இங்கேதான் அழகு மிகுந்து காணப்படுகின்றது.
ஆறு மாத்த்திலேயே இதன் வருமானம் 20.1 மில்லியன் ஆகும். இது இலங்கையின் முக்கிய ஆறுகளான மகாவலி, களனி, மற்றும் வளவை கங்கை ஆகியவற்றை இணைக்கிறது. இப்பகுதியிலிருந்து பலாங்கொடை காலத்திற்கும் முற்பட்ட காலத்தில் பயன்படுத்தப்பட்ட கல் ஆயுதங்கள் கண்டெடுக்கப்பட்டுள்ளன. இங்கே பாலுட்டிகளான இலங்கையின் சாம்பர் மான்கள் அதிகளவில் காணப்படுகின்றன. அத்தோடு இது பறவைகளின் முக்கியமானதொரு வாழ்விடமாகும்.
இது இலங்கைக்கு மட்டுமே உரித்தான உயிரினங்களை மட்டுடமல்லாது, ஹோட்டன் சமவெளிக்கு மட்டுமே உரித்தான உயிரினங்களையும் கொண்டுள்ளது. இது எதிர்நோக்கும் முக்கிய பிரச்சினைகளுள் ஒன்று காடழிவு ஆகும். சிலர் இது இயற்கைச் சம்பவங்களால் ஏற்படுகிறது என்கிறார்கள். இங்கே சூரியனை அடிக்கடி மழை மேகங்கள் மறைத்து இப் பிரதேசத்தை ஈரலிப்பாக வைத்திருக்கின்றன. இதன் வருடாந்த காலநிலை 13 பாகை செல்சியஸ் ஆகும். இங்கே பகலில் 27 பாகை செல்சியசும், இரவில் அது 5 பாகை செல்சியசுமாக்க் குறைகிறது. இது பகலில் வெயிலையும், இரவில் குளிரையும் கொண்டமைந்த ஒரு ழெகான இடதாகும். இங்கேயுள்ள ஆறுகள், அவற்றின் கரைகளிலுள்ள பாறைகளும் மனதைக் கவரும் இயற்கை அழகைக் கொண்டு திகழ்கின்றன.
விருந்தினர்கள் நடந்து சென்று இயற்கை அழகை இரசிக்க அனுமதிக்கும் ஒரேயொரு இலங்கையின் தேசிய புங்கா இதுவாகும். உலகின் எல்லையில் இவ் 2000மீற்றர் சமவெளி முடிவடைகிறது. இங்கே பல கண்ணைகவரும் வகையான தாவரங்களும் காணப்படுகின்றன.

இலங்கையில் ஹோட்டன் சமவெளி - Page 2 Horton-plains-1