ஜனாதிபதியின் வாழ்க்கை வரலாறு முதன் முறையாக தமிழில் வெளியீடு

ஜனாதிபதி மஹிந்த ராஜபக்ஷ அவர்களின் வாழ்க்கை வரலாற்றினை உள்ளடக்கிய நூல் முதல் முறையாக தமிழில் வெளிவந்துள்ளது.

தினகரன் பிரதம ஆசிரியர் எஸ். தில்லைநாதன் இதனை எழுதியுள்ளதுடன் ‘மஹிந்த’ என்று இந்த நூலுக்கு பெயர் சூட்டியுள்ளார்.

மூன்று தசாப்தங்களாக இலங்கை மக்களை துன்புறு த்திய கொடூர பயங்கரவாதத்தி லிருந்து தாய்நாட்டை விடுவித்து இலங்கை மக்கள் யாவரும் சமாதானமாகவும், ஒற்றுமையாக வும் பரஸ்பர புரிந்துணர்வுடனும் வாழ்வதற்குரிய தேசத்தைக் கட்டியெழுப்பிய ஜனாதிபதி மஹிந்த ராஜபக்ஷ அவர்களுக்கு முழு தமிழ் மக்கள் சார்பாகவும் நன்றியினைத் தெரிவிக்கும் முகமாக இந்த நூல் வெளியிடப்பட்டுள்ளது.

சிறு வயது முதல் ஜனாதிபதி மாளிகை வரையிலான மஹிந்த ராஜபக்ஷ அவர்களின் விசேட நிகழ்வுகள் இதில் உள்ளடக்கப்பட்டுள்ளமை இதன் சிறப்பம்சமாகும்.

இலங்கைத் தாய் நாட்டிலே தேசிய ஒற்றுமையை ஏற்படுத்துவதற்காக அன்னார் ஆற்றிய பாரிய பங்களிப்பு பற்றியும் இந்த நூலில் குறிப்பிடப்பட்டுள்ளது.

மேலும் நாட்டின் சகல இன மக்களினதும் மனிதாபிமான உரிமைகளை பெற்றுக்கொடுத்த மாமனிதரான ஜனாதிபதி மஹிந்த ராஜபக்ஷ அவர்கள் பற்றி தமிழ் மக்கள் கூறும் கருத்துக்களும் இந்த நூலில் உள்ளடக்கப்பட்டுள்ளன.

இந்த நூலை ஜனாதிபதி அவர்களிடம் கையளிக்கும் நிகழ்வில் பாராளுமன்ற உறுப்பினர் ஏ. எச். எம். அஸ்வரும், எஸ். தில்லைநாதன் அவர்களின் குடும்பத்தினரும் கலந்துகொண்டனர்.

:”@: