28 ஆயிரம் யூதர்களை கொலை செய்ய உதவிய நாஜிபடை காப்பாளருக்கு 6 ஆண்டு சிறைத் தண்டனை

by **நண்பன்** Wed 23 Mar 2011 - 14:17

இரண்டாம்
உலகப் போரின் போது 27 ஆயிரத்து 900 யூதர்களை நாஜிப்படையினர் கொல்வதற்கு
உதவியாக இருந்த காப்பாளருக்கு 6 ஆண்டு சிறைத் தண்டனை விதிக்க வேண்டும் என
ஜேர்மனி மூனிச் நீதிமன்றத்தில் வழக்கறிஞர்கள் வாதாடினர்.1943 ம் ஆண்டு
மார்ச் மற்றும் செப்டம்பர் மாத கால கட்டத்தில் நாஜிப்படைகள் ஆக்கிரமிப்பு
செய்திருந்த போலந்தின் சோபிபார் முகாமில் யூதர்கள் இனப்படுகொலை
செய்யப்பட்டனர்.
இந்த கொலைகளுக்கு நாஜி படை காப்பாளரான ஜான் டெம்ஜன்ஜக் உதவியாக
இருந்தார். அவர் விஷவாயு முகாம்களில் யூதர்களை தள்ளியதாகவும், அவர்களை
படுகொலை செய்வதற்கு முன்பாக அவர்களை வேனில் இருந்து இறக்கவும் மற்றும்
ஆடைகளை கழற்றவும் உதவியாக இருந்தார் என வழக்கறிஞர் ஹான்ஸ் ஜோசிம் லுட்ஸ்
கூறினார்.
படுகொலைகளுக்கு காரணமாக இருந்த ஜான் டெம்ஜன்ஜக்கிற்கு 6 ஆண்டுகள் வரை
சிறை தண்டனை விதிக்க வேண்டும் என்றும் வழக்கறிஞர் ஹான்ஸ் வலியுறுத்தினார்.
குற்றம் சாற்றப்பட்டுள்ள ஜான் டெம்ஜன் ஜக்கிற்கு தற்போது 90 வயது
ஆகிறது. டெம்ஜன் ஜன்ஜன் உக்ரேனில் பிறந்தவர். 2009 ம் ஆண்டு மே மாதம்
அமெரிக்காவில் இருந்து வெளியேற்றப்பட்டார்.
அங்கு அவர் பல ஆண்டுகள் மெக்கானிகாக பணியாற்றினார். தம் மீதுள்ள குற்றச்சாற்றுகளை ஜான் டெம்ஜன்ஜக் நிராகரித்தார்.