குட்டித் தகவல்கள்

by **நேசமுடன் ஹாசிம்** Sat 11 Jun 2011 - 13:29

சிரித்த முக சிலந்தி!

இது என்னவென்று நினைக்கிறீர்கள்! பார்த்தவுடன் சிரிப்பு வந்திருக்குமே. மொலக்கை மற்றும் ஹவாலியன் தீவுக்கூட்டங்களில் அதிகமாக இந்த சிரித்த முக சிலந்திகள் காணப்படுகிறது.

இதன் முதுகுப் பகுதியிலுள்ள வடிவம், சிரித்த முகம் போன்று இருக்கும். எல்லா சிலந்திகளிலும் ஒரே மாதிரி வடிவம்தான் காணப்படும். ஆனால், சிரிக்கும் விதத்தில் சற்று வித்தியாசம் காணப்படும். ஆராய்ச்சியாளர்கள் சிலந்தியின் இந்த அமைப்பு பறவைகள் போன்ற எதிரிகளை குழப்பமடைய செய்யதான் என்று கூறுகின்றனர்.

"தச்சன் மனிதனின் சிலை" (hammering man)

நாம் வசிக்கும் வீட்டை உருவாக்கி தருபவர்கள்தான் தச்சர்,கொல்லர் வேலை. அவர்களின் சிலையையே இங்கு வடிவமைத்திருக்கிறார் "Jonathan Borofsky"என்பவர். பின் அவர் பல்வேறு நகரங்களில் இச்சிற்பத்தை நிறுவினார். இச்சிலை தொழிளார்களை கொண்டாடும் விதமாக உருவாக்கப்பட்டது.

உலகின் மிகப்பெரிய "தச்சன்" மனிதனின் சிலை தென் கொரியாவில் உள்ள சௌல்(Seoul) என்ற நகரில் உள்ளது. இது 22மீற்றர் உயரமும் 50 டன் எடையும் கொண்டது. இங்கு மட்டுமல்லாதது பல்வேறு நகரங்களிலும் உள்ளது. சௌல் நகரில் கிறிஸ்மஸ் வருவதையோட்டி இச்சிலை, கிறிஸ்மஸ் தாத்தாவின் தொப்பியும், காலணியுடனும் காட்சியளிக்கிறது. தென் கொரியாவில் கிறிஸ்மஸ் விடுமுறைதான் பெரிய விடுமுறை. ஏனேனில் அங்கு மக்கள் தொகை பாதிக்குமேல் கிறிஸ்தவர்களே.