டில்லியில் மன்மோகன் சிங்குடன் ஜெயலலிதா பேச்சுவார்த்தை

by **நண்பன்** Wed 15 Jun 2011 - 12:52

டில்லியில் மன்மோகன் சிங்குடன் ஜெயலலிதா பேச்சுவார்த்தை
சோனியாவுடன் சந்திப்பு இல்லை
புதுடில்லி,
புதுடில்லி வந்துள்ள முதல்வர் ஜெயலலிதா நேற்று செவ்வாய்க்கிழமை பிரதமர் மன்மோகன் சிங்கை சந்தித்துப் பேச்சு நடத்தினார்.

முன்னதாக நேற்று முன்தினம் புதுடில்லி முதல்வர் iலா தீட்சித்தையும் சந்தித்துப் பேசினார். சட்ட சபைத் தேர்தல் முடி வுக்குப் பின்னர் ஜெயலலிதாவை சந்தித்துள்ள முதல் முக்கிய காங்கிரஸ் தலைவர் iலா என்பது குறிப்பிடத்தக்கது.

சோனியாவுக்கு மிகவும் நெருக்கமான வர்களில் iலாவும் ஒருவர். எனவே இந்த சந்திப்புக்கு அரசியல் முக்கியத்துவம் கொடுக்கப்படுகிறது. சோனியா சார்பில் ஜெயலலிதாவை iலா சந்தித்திருக்கலாம் என்றும் கருதப்படுகிறது. புதுடில்லி சென்றடைந்த முதல்வர் ஜெயலலிதாவுக்கு அங்கு அ. தி. மு. கவினர் உற்சாக வரவேற்பு அளித்து தமிழ்நாடு இல்லத்திற்கு அழைத்துச் சென்றனர்.

தமிழ்நாடு இல்லத்தில் காவல்துறை சார்பில் அணிவகுப்பு மரியாதை அளிக்கப்பட்டது. அதை ஜெயலலிதா ஏற்றுக்கொண்டார். தமிழ்நாடு இல்லம் வந்த iலா தீட்சித், ஜெயலலிதாவை சந்தித்து வாழ்த்துத் தெரிவித்தார். சந்திப்புக்குப் பின்னர் வெளியில் வந்த அவரிடம் செய்தியாளர்கள் என்ன பேசினீர்கள் என்று கேட்டபோது, இது மரியாதை நிமித்தமான சந்திப்பு என்றார் iலா. அதற்கு மேல் செய்தியாளர்கள் கேட்டபோது பதிலளிக்க மறுத்துவிட்டார் iலா.

ஜெயலலிதாவின் டில்லி பயணத்தின்போது சோனியாவை அவர் சந்திக்கக்கூடும் என்று பேச்சு நிலவி வந்தது. இருப்பினும் இந்த சந்திப்பால் தி. மு. க. வுடனான கூட்டணி முழுமையாக முறிந்து போய்விடலாம் என்று கருதிய சோனியா கடைசி நேரத்தில் சந்திப்பதைத் தவிர்த்து விட்டதாக கூறப்படுகிறது. இருப்பினும் தன் சார்பில் iலாவை அவர் அனுப்பி வைத்ததாக அரசியல் வட்டாரத்தில் கூறப்படுகிறது.

இதேபோல் பா. ஜ. க. செய்தித் தொடர்பாளர் ரவிசங்கர் பிரசாத், சிபிஐ தேசியச் செயலாளர் ராஜா ஆகியோரும் ஜெயலலிதாவைச் சந்தித்தனர்.

இந் நிலையில் நேற்று ஜெயலலிதா பிரதமர் மன்மோகன் சிங்கை சந்தித்துப் பேசினார்.

அப்போது தமிழகத்திற்கு கூடுதலாக 1000 மெகாவாட் மின்சாரம் தரப்பட வேண்டும். உரப் பற்றாக்குறையை தீர்க்க உதவ வேண்டும். ரேஷனில் வழங்குவதற்காக 65, 140 லீற்றர் மண்ணெண்ணெய் வழங்க வேண்டும் என்பது உள்ளிட்ட தமிழகத்தின் கோரிக்கைகளை பிரதமரிடம் அவர் முன் வைத்தார்.

மேலும் தமிழகத்திற்கான வருடாந்த நிதி ஒதுக்கீட்டை அதிகரிக்க வேண்டும். தமிழக அரசின் நலத் திட்டங்களுக்கு கூடுதல் நிதி அளிக்க வேண்டும் என்ற கோரிக்கையை அவர் முன் வைத்தார். பிரதமரை சந்தித்து முடித்த பின்னர் தமிழ்நாடு இல்லம் வந்த ஜெயலலிதா அங்கு செய்தியாளர்களைச் சந்தித்தார்.