இலங்கையில் கபடி விளையாட்டை முன்னேற்ற இந்தியாவில் பயிற்சி

by **நண்பன்** Fri 17 Jun 2011 - 11:50

இலங்கையில் கபடி விளையாட்டை முன்னேற்ற இந்தியாவில் பயிற்சி
வரக்காபொலை தினகரன் நிருபர்

கபடி விளையாட்டை முன்னேற்றுவதற்கு ஆசிய கபடி சம்மேளனம் நடவடிக்கை எடுத்துள்ளது. இலங்கையிலுள்ள கபடி வீரர்கள். பயிற்சியாளர்கள் மற்றும் நடுவர்களுக்கு பயிற்சியளிக்க ஆசிய கபடி சம்மேளனம் முன்வந்துள்ளது.

கபடி சம்மேளனத்தின் தலைவரும் சப்ரகமுவ மாகாண முதலமைச்சருமான மஹிபால ஹேரத் தலைமையில் கொழும்பு ஸ்ரீலங்கா சுதந்திர கட்சி கேட்போர் கூடத்தில் இலங்கை கபடி சம்மேளன சிரேஷ்ட அதிகாரிகளுடனான சந்திப்பின் போதே தெரிவித்தார்.

எதிர்வரும் ஒக்டோபர் மாதம் அம்பாந்தோட்டையில் நடைபெறும் கரையோர கபடி தெற்காசிய கிண்ணத்தை நோக்காக கொண்டு ஆண்கள் மற்றும் பெண்கள் கபடி அணிகள் தற்போது பயிற்சி பெறுகின்றன.

கபடி, உள்ளக கபடி, கரையோரக் கபடி ஆகிய 3 பிரிவுகளுடன் தொடர்புடைய பயிற்சியாளர்கள், நடுவர்கள், கபடி வீரர்கள் ஆகியோருக்கு இந்தியாவில் பூனேயில் பயிற்சி வழங்க ஆசிய கபடி சம்மேளனம் தீர்மானித்துள்ளது.

இவர்களுள் முதலாவது குழுவின் பயிற்சியாளர்கள் எதிர்வரும் 23 ஆம் திகதி இந்தியாவுக்கு பயணமாகவுள்ளனர்.