2 ஜி விவகாரத்தில் அமைச்சர் சிதம்பரத்துக்குப் பங்கு: பாஜக

by **நண்பன்** Fri 17 Jun 2011 - 11:52

2 ஜி விவகாரத்தில் அமைச்சர் சிதம்பரத்துக்குப் பங்கு: பாஜக
புதுடில்லி,
2ஜி அலைக்கற்றை விவகாரத்தில் மத்திய அமைச்சர் ப. சிதம் பரத்துக்கும் பங்குண்டு என்பது அரசியல் தரகர் நீரா ராடியாவின் தொலைபேசி உரை யாடல்களிலிருந்து தெரிய வந்துள்ளது என்று பாரதிய ஜனதா கட்சி கூறியுள்ளது. ப. சிதம்பரம் பதவி விலக வேண்டும் என்று அக்கட்சி கோரியுள்ளது. பிரதமர் இது குறித்து விளக்கமளிக்க வேண்டும் என்று பாஜக வலியுறு த்தியுள்ளது.

பாஜக செய்தித் தொடர்பாளர் நிர்மலா சீதாராமன் புதன்கிழமை கூறியது,

நீரா ராடியாவுக்கும் 2ஜி ஊழல் வழக்கில் கைதாகி சிறையிலுள்ள முன்னாள் அமைச்சர் ஆ. ராசாவுக்கும் இடையே நடந்துள்ள தொலைபேசி உரையாடல்களின் மூலம், ப. சிதம்பரத்துக்கு இந்த விவகாரத்தில் முக்கிய பங்கிருப்பது தெரிய வந்திருக்கிறது. இந்த உரை யாடல்களில் பணப் பரிவர்த்தனை குறித்துப் பேசப்பட்டிருக்கிறது. உச்ச நீதிமன்றம் இந்த விவகாரத்தில் அவருடைய பங்கு குறித்து விரிவான விவரங்களைக் கேட்டும், சி.பி.ஐ. முழுமையான விவரத்தைத் தரவில்லை. அது ஏன் என்பதைப் புரிந்துகொள்ள முடியவில்லை. 2ஜி அலைக்கற்றை விவகாரத்தில் ராசாவுக்கும் நீரா ராடி யாவுக்கும் இடையே நடந்த தொலைபேசி உரையாடல்களை வருமான வரித்துறை வெளியிட வேண்டும் என்று உச்ச நீதிமன்றம் கூறியுள்ளது.

இந்த உரையாடல் களின் மூலம் 2 ஜி அலைக்கற்றை உரிமங்கள் வழங்கும் விடயத்திலும், உரிமங்களுக்கு விலை நிர்ணயம் செய்வதிலும் ப. சிதம்பரத்துக்கு பங்கு உண்டு என்பது தெளிவாக இருக்கிறது என நிர்மலா சீதாராமன் கூறினார். ப. சிதம்பரத்தின் விடயத்தில் பிரதமர் காத்து வரும் அமைதியே சதியாக உள்ளது என்றார் அவர்.

நீரா ராடியா தொலைபேசி உரை யாடலில் தன் பெயர் குறிப்பிடப்பட்டது பொறுப்பற்றதும் விஷமத்தனமானதும் ஆகும் என்று மத்திய அமைச்சர் ப. சிதம்பரம் கூறியுள்ளார். அவர் வெளியிட்டுள்ள அறிக்கையில் கூறியுள்ளதாவது, அந்த உரையாடல் குறித்து நான் விசாரித்தேன். அந்த உரையா டலில் குறிப்பிட்டுள்ள ராஜா என்பவர் ஆ. ராசா அல்ல. அதில் குறிப்பிடப்ப டும் ராஜா, கே. ராமசந்திரன் ராஜா (கே. ஆர். ராஜா) என்பவர். இவர் ரிலையன்ஸ் இன்டஸ்டிரீஸ் நிறுவனத்தைச் சேர்ந்தவர்.

இவர் கூறியதாக உள்ள விவரங்கள் முற்றிலும் தவறானது. வெறும் விஷமத்தனமான அக்கப்போர் என் சார்பில் கே. ராமசந்திரன் ராஜாவுக்கு சட்டத்தரணி ஊடாக கடிதம் அனுப்பப்பட்டுள்ளது என்று ப. சிதம்பரம் அந்த அறிக்கையில் கூறியுள்ளார்.